اسلام آباد۔ 23جولائی (اے پی پی) پاکستان حامد کرزئی ایئر پورٹ کابل آ دہشت گردی نا جلہو ، ہراٹی چندی بندغ آک تپاخت و ٹھپی مسر، نا ترندی اٹ مذمت ءِ کرینے۔ ترجمان دفترخارجہ نا کنڈآن دوشنبے نادے داڑے جاری بیان اٹی جلہو اٹی تپاخت کروک آ بندغ آتا خاہوت و سیال و قریب آتون ڈکھ و است ہسونی نا درشانی ءِ کرسا ٹھپی تا زوت جان جوڑی کن دعا کننگانے۔ بیان اٹی پاننگانے کہ غم و است ہسونی نا دا ساہت اٹی پاکستان اوغانستان نا حکومت و الس تون یکجہتی نا درشانی ءِ کیک۔ ترجمان دہشت گردی نا غٹ دروشم و مظاہر نا مذمت نا اعادہ ءِ کرسا دہشت گردی نا لعنت نا چٹفنگ نا عزم ظاہر کرینے۔
