اسلام آباد۔ 23جولائی (اے پی پی) خیبر پختونخوا نا قبائلی علاقہ غاتا عارضی وڑاٹ بے اُرا مروک آ بندغ آتا 3لکھ 38 ہزار 995 خاہوت پدی تینا علاقہ غاتے ٹی داوخت اسکان سرمسنو۔ پدی ہنوک آ عارضی وڑاٹ بے اُرا مروک آ بندغ آتے 25ہزار کیش گرانٹ 10 ہزار روپئی ٹرانسپورٹ نا مد اٹ 10 ہزار روپئی تننگانے وخت اس کہ 6 تُو اکن مفت کُننگ کن گڑا ہم تننگ انگ ءِ۔ فاٹا سیکرٹریٹ نا کمامدارآتارداٹ خیبر پختونخوانا قبائلی علاقہ غاتے ٹی دہشت گرد آپریشن ضرب عضب اٹی زہمی مروک آ عارضی وڑاٹ بے اُرا مروک آ بندغ آتا خاہوت آتا پدی ہِننگ نا عمل برجاءِ ۔ داوخت اسکان 3لکھ 38 ہزار 995 خاہوت پدی تینا علاقہ غاتیٹی داوخت اسکان سرمسنو ہرافتے ٹی قطبی وزیرستان ضلع نا اسہ لکھ 7 ہزار 335خاہوت سویلی وزیرستان ضلع نا 71ہزار 124خاہوت، 91ہزار 689ضلع اورکزئی نا 35ہزار 823 خاہوت، ضلع کرم نا 33ہزار 24خاہوت آتا داوخت اسکان پدی ہِننگ نا عمل مسنے وخت اس کہ جم وڑاٹ 3لکھ 38 ہزار 995 خاہوت پدی تینا علاقہ غاتیٹی سرمسنو۔ پدی ہنوک آ خاہوت آتیٹی 25ہزار روپئی کیش گرانٹ 10 ہزار روپئی ٹرانسپورٹ نا مد اٹ تننگانے وخت اس کہ ورلڈ فوڈ پروگرام عارضی وڑاٹ بے اُرا مروک آ بندغ آتے 6تُو اکن مفت کُننگ نا گڑاہم تننگ ءِ و عارضی ہنکین کن تمبو ہم تننگانے۔
