اسلام آباد۔ 23جولائی (اے پی پی) پاور ڈویژن ای پی سی سی و غٹ بشخ وپانٹ کروک کمپنی تے 25جولائی آ مچ آ ملک اٹی پولنگ نا وخت آ و وونٹ آتا حساب پورو مننگ اسکان بلاتعطل بجلی نا فراوانی نا پارت تسنے۔ دوشنبے نادے جاری بیان نا رداٹ پاور ڈویژن پولنگ نا دے بجلی نا بلاتعطل فراوانی نا چاروکی کن اِرا کنٹرول سینٹر جوڑ کرینے۔ اسہ کنٹرول سینٹر اسلام آباد وخت اس کہ ایلو لاہور مریک۔ اسلام آباد کنٹرول روم انا سرکڑدہ ہی ءِ ایڈیشنل سیکٹری وسیم مختار وخت اس کہ لاہور نا کنٹرول روم ایڈیشنل سیکٹری ڈاکٹر عامر احمد کیک۔ سیکرٹری پاور ڈویژن رضوان میمن مچ آ ملک انا حالیت آتے تینٹ ہرک وخت اس کہ وزیر توانائی سید علی ظفر ءِ ہم بجلی نا حالیت آتیان منٹ منٹ آ معلومدار کننگک۔ ہر بجلی بشخ وپانٹ کروک کمپنی تینا ہیڈ کوارٹر اٹی مانیٹرنگ روم اس جوڑ کرینے ہرافتے ٹی تعلقدار آپریشن ڈائریکٹر پولنگ نا دے تینٹ ساڑی مریک۔ غٹ سب ڈویژن لیول آ ایمر جنسی اسٹاف و ٹیم ہم ٹہیفنگانے تانکہ فنی خرابی نا دمدستی تدارک ءِ کننگے۔ بیان نا رداٹ غٹ گریڈ اسٹیشن آتیا اسٹاف ساڑی مریک و پولنگ نا دے انڈسٹری ءِ بجلی نا فراوانی بند مریک۔ فیڈرآ لوڈ ءِ کم تخنگ کن المی گام گیج کننگانے غٹ میٹیرل اسٹور اٹی ودکی گڑا سرکننگانے۔ غٹ بشخ وپانٹ کروک کمپنی تیٹی ایمرجنسی جنریٹر ہم ہڑدڑدی حالیت آتے اٹ مون تننگ کن تیار ءِ۔
