اسلام آباد ۔ 22 جولائی (اے پی پی) چیئرمین سینیٹ محمد صادق سنجرانی ءَ ڈیرہ اسماعیل خانءِ دمگ کلاچی ءِ تہ بوتگیں بمب تراک ءِ سکیں لبزاں ایراد گپتگ ءُُ گوشت کہ ناشرکار وتی لگوریں مکسد ءَ کدی ھم سوبمند نہ بنت۔ چیئرمین سینیٹ ءَ کلاچی تراک ءِ آسر ءَ پی ٹی آئیءِ امیتوار ءُُ پیسریگیں صوبائی وزیر وزیر اکرام اللہ خان گنڈہ پورءِ ھوار دگہ شہیدانی ھاترا بکشش ءِ دعا کتگ ءُُ ٹپیگانی زوت جان دراہی ءِ ھاترا ھم دعا کتگ۔آہاں گوشت کہ ڈکھ ءِ گرانیں وھد ءَ سرجمیں راج ملوریں ھاندان ءِ گوما اوشتاتگ انت۔قائد ایوان سینیٹ سینیٹر راجہ محمد ظفر الحق ءُُ قائد حزب اختلاف سینیٹ سینیٹرشیری رحمان ءَ ھم اپسوز ءِ درشان کنان ءَ شہید بوتگیں مردمانی ھاترا بکشش ءُُ ٹپیگانی ھاترا زوت جان دراہی ءِ دعا کتگ۔

متعلقہ مضامینمصنف کی طرف سے مزید