اسلام آباد ۔ 21 جولائی (اے پی پی) برطانیہءِ تہ داشتگیں پاکستانی ہائی کمشنر سید ابن عباسءَ اے جزم ءِ درشانی کت کہ پاک بحریہ ءِ گراب ’اصلت‘ ءِ ھیر سگالی تروتاب پاکستان ءُُ برطانیہ میان ءَ دودیمی سیادی ءَ را باز مھکم کنگ ءَ کمکار بیت۔اے گپ آہاں پیسریگیں روچ ءَ پورٹ سماوتھ برطانیہ ءِ تہ پی این ایس ءِ نیمگا چہداتگیں شپ ءِ نان ءِ شریداراں گوں تران کنان ءَ گوشتگ ات۔برطانوی سیکنڈ سی لارڈ وائس ایڈمرل انتونی رداکن اے موہ ءَ ھاسیں مہمان ات۔رحمان چشتی باسک پارلیمنٹ،لارڈ میئر پورٹ سماوتھ ،برطانوی فارن ءُُ دولت مشترکہ ءِ کارگس ءِ نماھندگ، کمانڈر پورٹ سماوتھ فلوٹیلا ءُُ لہتیں ملکانی ڈفینس اتاشی ءَ مراگش ءَ بہر زراتگ۔پاک بحریہ ءِ مشن کمانڈر کموڈور محمد فیصل عباسی ایس آئی(ایم)ءَ اے موہ ءَ گوشت کہ میرینز ءِ بحری سفارتکاری ءِ زریعہ رجانی میان ءَ دوستی ءِ رھوت مھکم کنگ ءَ ھاسیں کرد انت۔آہاں گوشت کہ مئے تروتاب ءِ مول ءُُ مراد دوئیں ملکانی بحری فورسز ءِ میان ءَ سیادی گیش مھکم کنگ انت۔اے تروتاب ءِ پدا پاک بحریہ ءُُ برطانوی بحریہ میان ءَ بحری مشق دوئیں ملکانی میان ءَ جُہلاکیں سیادی ءِ عکاسی کنگ انت۔پاکستانی ہائی کمشنر سید ابن عباسءَ پاک برطانیہ سیادی ءَ را اجاگر کنان ءَ گوشت کہ دوئیں ملکانی میان ءَ مھکمیں سیاسی،اقتصادی،بیوپاری،سفارتی ءُُ دیمپانی سیادی انت۔
