اسلام آباد ۔ 21 جولائی (اے پی پی) الیکشن کمیشنءَ مولانا فضل الرحمن ، سردار ایاز صادق ءُُ پرویز خٹک ءِ نیمگا چہ گچینکاری راھبندانی ھلاپ ءِ سرا جم کتگیں پسو رد کنان ءَ گوشداری 9اگست ءَ تاں مہتل کتگ وھدیکہ پرویز خٹک ءَ را وارننگ دات کہ ایشی ءِ سوبمندی ءِ سرا نوٹیفکیشن ءَ را اے کیس ءِ گوما منسلک کتگ ات۔ہپتگ ءَ الیکشن کمیشن ءِ تہ چیف الیکشن کمشنر سردار محمد رضاءِ سروکی ءَ بنچ ءَ گچینکاری جنز ءِ ساعت ءَ ایم ایم اےءِ راھشون مولانا فضل الرحمن ، سپیکر قومی اسمبلی سردار ایاز صادق ءُُ پیسریگیں سر وزیر کے پی کے پرویز خٹک ءِ نیمگا چہ محالفین ءِ ھلاپ ءَ ردیں گپ جنئگ ءُُ در اخلاقی زبان کارمرز کنگ ءِ سرا وت گپتیں نوٹس ءِ گوشداری کتگ۔سئیں راھشونانی نیمگا چہ ایشانی وکیل پیش بوتگ ات۔آہاں راھشونانی نیمگا چہ پسو بنچ ءِ دیما پیش کتگ ات بلے بنچ ءَ اے پسو در تسلہ بخش قرار دیان ءَ مولانا فضل الرحمن ءُُ سرادر ایاز صادقءِ وکیلاں را بیان حلفی جم کنگ ءِ مہلت دیان ءَ 9اگست ءَ تاں گوشداری مہتل کتگ۔ سردار ایاز صادق ءِ وکیل ءَ ایشانی نیمگا چہ گچینکاری راھبندانی سرا پابندی ءِ گوما وڈ ءُُ پیم ءَ راسدکی کتگ، چیف الیکشن کمشنر ءَ گوشت کہ ہر شرمناک ءِ کار ءَ بابر اعوانءَ را دیما کنئگ بوھگ ات۔آہاں گوشت کہ سپیکر ءَ را وتی لبزاں ایر گرگ بیت۔ پرویز خٹک ءَ ہمہ گپ جتگ ہما گریگ ءِ گپ انت۔
