موسیمی مٹ ءُُ بدلی ءِ ھوالگ ءَ سینیٹ ءِ قائمہ کمیٹی ءِ باسک آناں راجی نھال کشگ ءِ گامگیج ءِ ساھت ءَ کشتگیں نھال آنی چار ءُُ گزار ءَ را دل یکیمی جوڑ کنگ ءِ واستہ ماینیٹرنگ ءِ جوانیں گامگیج ءِ شانگ کنگ ءِ پنت ءُُ شون
اسلام آباد ۔20 جولائی(اے پی پی) چیئرمین سینیٹ محمد صادق سنجرانی ءَ گوشت کہ چاگرد ءُُ موسم ءِ ھرابی ءِ سر ءَ باز نہ وشی اِنت۔ چاگرد ءِ مٹ ءُُ بدلی ءِ اسر آنی کم کنگ ءِ واستہ مارا دُرستاناں یکجائی ءَ کوشست کنگ لوٹ ایت۔ چاگردی ھرابی ءِ چیلنج آں گوں دیم پہ دیم کنگ ءِ ھاترا نا ایوک ءَ حکومت بلکینگ ءَ اُلسی تک ءَ جوانیں گامگیج بندات کنگ ءِ ضلورت اِنت چیا کہ چاگرد ءِ رکھینگ نا ایوک ءَ مئے زمہ واری اِنت بلکینگ ءَ آیوکیں رند پند آناں ساپ ءُُ سلہ ایں ایٹماسپیئر پُجارینگ اِنت ساپ گوات ءِ تہ ءَ نپس کشگ ءِ پُجاری مئے بنی آدیم زمہ واری ھم است اِنت۔ اے ھیالانی درشانی آئی ءَ چیئرمین سینیٹ پارلیمنٹ گس ءِ دیم ءِ چڈ آنی تہ ءَ میگنولیا ءِ بھال آنی جنگ ءَ پد اھوالکاراں گوں تران کنان ءَ کت۔ اے موہ ءِ سر ءَ سینیٹ ءِ باسک ءُُ سینیٹ سیکرٹریٹ ءِ ٹوھیں کارندہ ھم چیئرمین سینیٹ ءِ ھمبراھ اتنت۔ چیئرمین سینیٹ ءَ گوشت کہ چاگرد ءِ ساپ ءُُ سلہ ئی ءِ دُرستاں چہ مستریں سبب درچک آنی گیشاں چہ گیش گُڈگ اِنت اے جاور ھال ءِ گر ءُُ دار ءِ ھاترا نا ایوک ءَ حکومتی ادارگ آنی نیمگ ءَ راجی شجر کاری ءِ گامگیج ءِ تہ ءَ گیشاں چہ گیش دل یکیمی جوڑ کنگ ءِ ضلورت اِنت بلکینگ ءَ الس ھم اے راجی پرز ءِ تہ ءَ گیشاں چہ گیش بھر زوری بکن انت۔ اے موہ ءِ سرءَ چیئرمین سینیٹ ءَ موسیمی مٹ ءُُ بدلی آنی ھوالگ ءَ قائمہ کمیٹی ءِ باسک آناں پنت ءُُ شون دات کہ سرجمیں ملک ءَ راجی نھال کشگ ءِ گامگیج ءِ ساھت ءَ کشتگیں نھال آنی چار ءُُ گزار ءَ را دل یکیمی جوڑ کنگ ءِ واستہ مانیٹرنگ ءِ کار ءَ را شاھیگان کت۔ اے موہ ءِ سر ءَ اھوالکار آنی پسو ءَ دیان ءَ چیئرمین سینیٹ ءَ گوشت کہ الیکشن کمیشن پارلیمان ءِ تفویض کتگیں اختیارآنی رد ءَ گچین کاری کار ءَ را دیم ءَ جنزینگ ءَ انت۔ سینیٹ ءِ استیں دیوان ءِ ھوالگ ءَ آئی ءَ گوشت کہ اے دیوان ایمنی ءُُ سیکورٹی ءِ جاور ھال آنی چار ءُُ تپاسی گرگ ءِ ھاترا گوانگ جنگ بوتگ پدا ھم سینیٹ ءِ قائمہ کمیٹی برائے توکی کار اے سرجمیں گچین کاری کار ءِ نگرانی ءَ کنگ ءَ اِنت۔
