اسلام آباد۔ 20 جولائی (اے پی پی) مچ آ ملک اٹی رہینگوک آ رجسٹرڈ اوغان باہوٹ آتا پدی ہِننگ نا عمل برجاءِ۔ اینخو نا سال 8 ہزار 878 رجسٹرڈ اوغان باہوٹ وطن آ تینا پدی ہنانووخت اس کہ گدرینگوک آ سال 2017 ء ٹی 59 ہزار رجسٹرڈ اوغان باہوٹ پدی اوغانستان آ ہنانو۔ یو این ایچ سی آر نا نمائندہ قیصر خان جمعہ نادے اے پی پی ءِ پارے کہ مچ آ ملک اٹی رہینگوک آ رجسٹرڈ اوغان باہوٹ آتا پدی ہِننگ نا عمل برجاءِ ۔ یکم مارچ آن داوخت اسکان اینخو نا سال 8 ہزار 878 اوغان باہوٹ پدی اوغانستان آ سرمسنو۔ پدی ہنوک آ رجسٹرڈ اوغان باہوٹ آتے 200 ڈالرفی بندغ پدی ہِننگ نا وخت آ اقوام متحدہ نا ادارہ برائے باہوٹ نا کنڈآن تننگ انگ ءِ ۔ اوپارے کہ گدرینگوک آ سال 2017 ء ٹی 59 ہزار رجسٹرڈ اوغان باہوٹ پدی تینا وطن آ ہنانو۔
