لاہور۔ 19 جولائی (اے پی پی) سرپانک مزن وزیر جسٹس (ر) ناصر الملک ءَ گوشت کہ لس گچین کاری ءِ روچ ءِ رد ءَ جوانیں کوشست، تیار ءُُ ساڑی بوھگ ءُُُ رابطہ آناں دیمروئی دیگ ءِ ضلورت انت تانککہ پولنگ ءِ کار جوانیں رنگ ءَ ءُُ ایمنی رنگ ءَ سرجم بہ بیت، سیاسی سروکی ءُُ کارنر میٹنگ ءَ بھر زوروکیں الس ءِ رکھینگ ءُُ سلامتی دل یکیمی جوڑ کنگ ءِ سر ءَ ھاسیں دلگوشی دیگ لوٹیت۔ اے ھیالانی درشانی آئی ءَ وتی سروکی ءَ گورنر ہاؤس لاہور ءَ ایمنی ءِ جاور ءُُ لس گچین کاری 2018ءِ موہ ءَ ایمنی ءُُ سلامتی ءَ را دل یکیمی جوڑ کنگ ءِ تیاری ءِ چار ءُُ تپاسی ءِ ساھت ءَ کت۔ دیوان ءَ سرپانک سر وزیر پنجاپ ڈاکٹر حسن عسکری رضوی، سرپانک وزیر تہی کار پنجاپ شوکت جاوید، وزیر ءِ بلدیات ظفر محمود، صوبائی وزیر اھوالکاری ءُُ دود ءُُ ربیدگ احمد وقاص ریاض، چیف سیکرٹری اکبر حسین درانی، آئی جی پولیس کلیم امام، صوبائی چیف الیکشن کمشنر ظفر اقبال حسین ءُُ ایندگہ کلانہ ایں سرکاری کارندہ آنی بھر زوری کت۔ چف سیکرٹری پنجاپ اکبر حسین درانی ءَ دیوان ءِ ساھت ءَ صوبہ ءَ گچین کاری ءِ کار ءِ ساھت ءَ سلامتی ءُُ ایمنی ءِ جار ور ھال آناں دل یکیمی جوڑ کنگ ءِ واستہ صوبائی حکومت ءِ نیمگ ءَ کتگیں انتظامی آنی بابت ءَ سرجمیں بریفنگ دات۔ آئی ءَ مزن وزیر ءَ را صوبہ ءِ جتا جتائیں دمگ آنی تہ ءَ ناشرکاری ءِ منصوبگ ءَ را ناکام جوڑ کنگ ءِ کامیاتی آنی بابت ءَ بریفنگ دات۔ آئی ءَ مزن وزیر ءَ را صوبہ ءِ جتا جتائیں دمگ آنی تہ ءَ ناشرکایر ءِ منصوبگ بندی ءَ را ناکام جوڑ کنگ ءِ کامیاتی آنی ھوالگ ءَ ھم سرپد کت۔ مزن وزیر ءَ صوبگ ءَ ایمنی ءِ برجائی ءَ را دل یکم جوڑ کنگ ءِ واستہ آئی ءِ کوشست ءُُ اے رد ءَ کانود ءَ را مھکم داروکیں ادارگ آنی نیام ءَ رابطہ کاری آناں ساڑات۔ مزن وزیر ءَ گوشت کہ لس گچین کاری ءِ روچ ءِ رد ءَ ٹوھیں کوشست، تیار ءُُ ساڑی ءُُ رابطہ آنی دیمروئی ءِ ضلورت اِنت ۔ مزن وزیر ءَ اے گپ ءِ سرءَ زور پر دات کہ لس گچین کاری 2018ءِ بابت ءَ رد ءُُ بند داتگیں ڈسپلین ءُُ سیکورٹی پروٹوکول ءِ سر ءَ ترندی ءَ کار کنگ ءِ واستہ انتظامی ءُُ سیاسی سروکی ءِ گوما نزیکیں پروٹوکول ءِ ترندی ءَ برجم دارگ ءِ واستہ انتظامی ءَ را سیاسی سروکی ءِ گوما نزیکیں رابطہ دارگ لوٹ ایت۔ سر وزیر پنجاپ عسکری رضوی ءَ مزن وزیر ءَ را دل یکیمی دات کہ صوبائی حکومت وتی کانودی زمہ واری آناں پیلو کنان ءَ آزاتیں، برجمیں گچین کاری ءَ را دل یکمی جوڑ کنگ ءِ جزمیگ آں۔ ایشی ءَ چہ پیسر مزن وزیر ءَ گورنر، سر وزیر پنجاپ ءُُ صوبائی کابینہ ءِ باسک آنی گوما دیوان برجم داشت۔
