یورپی یونین الیکشن آبزرورمشن پاکستان ءِ ڈپٹی چیف آبزروردمیتر الونو ءَ آبزرور ءِ کرد ءُُ مشن ءِ گشینتگیں چست ءُُ ایر آنی ھوالگ ءَ سرجمیں بریفنگ دات
اسلام آباد۔ 19 جولائی (اے پی پی) بُنجاھی وزیر اھوالکاری ءُُ شنگ کاری ءُُ کانود ءُُ انساف ءُُ پارلیمانی کار بیرسٹر سید علی ظفر ءَ گوں یورپی یونین الیکشن آبزرو مشن پاکستنا ءَ گند ءُُ نند کت۔ بُنجاھی وزیر سید علی ظفر ءَ گوشت کہ سرپانک حکومت ءِ اولی ترجی ملک ءَ ساپ ءُُ سلہ ایں ءُُ وھد ءُُ موہ ءِ سر ءَ گچین کاری ءِ برجم دارگ ءَ را دل یکیم کنگ اِنت۔ یورپی یونین الیکشن آبزرور مشن پاکستان ءِ ڈپٹی چیف آبزرور دمیترا لونو ءَ آبزرورءِ کرد ءُُ مشن ءِ گشینتگیں چست ءُُ ایر آنی بابت ءَ سرجمیں بریفنگ دات۔ بُنجاھی وزیر ءَ گوشت کہ یورپی یونین ءِ آبزور توامیں صوبگ آنی تہ ءَ ساڑی بنت، ھواریں رنگ ءَ 120آبزرو ملک ءِ جتا جتائیں بھر آنی تہ ءَ الیکشن ءِ کار، کانودی فیرم ورک ءِ چار ءُُ تپاسی ءَ زور انت ءُُ میاں اوستمانی کانود ءِ وڑ ءُُ پیم ءِ بالاد ءِ نگرانی ءَ کنت۔ یورپی یونین مشن 27جولائی ءَ وتی بنداتی رپوٹ ءَ پیش کنت ایشی ءَ چہ پد پکوئیں رپوٹ شنگ ءُُ تالان کنت۔ اے موہ ءِ سر ءَ تران کنان ءَ بُنجاھی وزیر سید علی ظفر ءَ گوشت کہ سرپانک حکومت پاکستان ءَ ایمنیں، ساپ ءُُ سلہ ایں ءُُ وھد ءُُ موہ ءِ سر ءَ گچین کاری ءِ واستہ الیکشن کمیشن ءِ سرجمی ءَ کمک ءَ کنت انت۔ آئی ءَ ڈل ءَ دل یکمی دات کہ 2018ءِ الیکشن ءِ واستہ توامیں سیاسی ڈل آناں ھم کچیں موہ ءِ پُجاری کنگ بوھگ ءَ اِنت۔ آئی ءَ گوشت کہ پاکستان یورپی یونین مشن ءِ الیکشن ءِ کار گیش گہتر جوڑ کنگ ءِ واستہ شور ءُُ سلاھ ءُُ سپارش آناں وش اتک کنت۔ آئی ءَ گوشت کہ پاکستان پیسر ءَ چہ بازیں میاں اوستمانی کنونشنز آنی سرءَ کار کنگ ءَ انت ءُُ اھوال آں تاں سر بوھگ ءِ ایکٹ ءِ وسیلگ معلومات آنی پُجاری ءِ گامگیج چست کتگ اَنت۔ بُنجاھی وزیر بیرسٹرسید علی ظفر ءَ گوشت کہ سرپانک حکومت بنی آدمی ھک آنی دیمروئی ءُُ رکھینگ آناں برجم دارگ ءُُ بنی آدمی ھک، جوانیں حکمرانی ءِ واستہ میاں اوستمانی کنوونشنز ءِ سر ءَ کار کنگ ءَ انت۔ آئی ءَ گوشت کہ سرپانک حکومت چاگرد ءَ ارزشتی ایں کرد ءِ پیلو کنگ ءِ واستہ زالبول، ھمزور ءُُ لاچاریں تبک ءِ مردم آناں گیش موہ پُجارینگ ءَ انت ۔ وزارت ءِ کانود ءُُ انساپ ءِ ٹوھیں کارندہ ھم اے گند ءُُ نند ءِ تہءَ ساڑی اتنت۔
