اسلام آباد۔ 31 دسمبر (اے پی پی)بُنجاھی وزیر سینیٹر اسحاق ڈار ئِ گوما یک شمبے ئِ روچ ئَ اِدا پاکستان ئَ برطانیہ ئِ ہائی کمشنر تھامس ڈریو ئَ گند ئُُ نند کتگ ئُُ برطانیہ ئِ درئی کارانی سیکرٹری بورس جانسن ئَ وتی پاکستان ئِ تر ئُُ تاب ئِ ھوالگ ئَ آرا بریفنگ دات۔ آئی ئَ بُنجاھی وزیر ئَ را ھال دات کہ برطانیہ ئِ درئی کارانی سیکرٹری ئِ تر ئُُ تاب سک باز کامیاتیں تر ئُُ تاب ئِ بوتگ۔ آئی ئَ پاکستان ئِ اقتصادی دیمروئی ئِ بابت ئَ جوانیں جوزگ آنی درشان کُت۔ ہائی کمشنر ئَ وزیر ئِ ھزانگ ئَ را برطانوی درئی کارانی سیکرٹری پاکستان ئَ کار کنوکیں برطانیہ ئِ کمپنی آنی سربراھ آنی گوما گند ئُُ نند ئِ بابت ئَ سرجمیں ھال آنی بابت ئَ سرپد کُت ، ھال آنی تہ ئَ گوشگ بوت کہ برطانیہ ئِ کمپنی آں گیش سرمایہ کاری کنگ ئِ بابت ئَ واھگ درشان کتگ۔
