اسلام آباد۔14مئی (اے پی پی): مزن وزیر محمد شہباز شریف ءَ تپاکی ءِ ماحول ءِ برجائی ءِ وتی جزم ءِ پدر کنگ ءَ گوشت کہ پاکستان جنوبی ایشیا ءَ ایمنی ءِ واھشت مند اِنت ءُ سندھ ءِ آپ ءِ معاہدے ءَ را کدی چیلنج کنگ ءِ موہ نہ دنت۔ گوستگیں یک سال ءِ ساھت ءَ پاکستان ءُ متحدہ عرب امارات ءِ نیام ءَ دو نیمگی کمک ھاسیں رنگ ءَ معیشت ءُ سرمایہ کاری ءِ شوبگ آنی تہ ءَ گیش گہتری اتکگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ چار شمبے ءِ روچ ءَ مزن وزیر محمد شہباز شریف ءُ متحدہ عرب امارات ءِ صدر ءُ ابوظہبی ءِ حاکم شیخ محمد بن زاید النہیان ءِ نیام ءَ ٹیلی فون ءِ سر ءَ گپ ءُ تران بوتگ۔ مزن وزیر ءَ جنوبی ایشیا ءَ گوستگیں جیڈھ ءِ ھلاسی ءِ واستہ امارات ءِ سفارتی کوشست ءُ تعمیری کرد ءِ سر ءَ دل ءِ جہلانکی ءَ چہ منت واری ءِ درشان کت۔ متحدہ عرب امارات مدام پاکستان ءِ گوما اوشتاتگ ۔ مزن وزیر ئَ گوشت کہ پاکستان جنوبی ایشیا ئَ ایمنی ءِ واھشت ئَ دار ایت ءُ بھارت ءِ گوما ھمے جزبگ ئَ جنگ بندی ءِ تپاکی ءِ سر ئَ تپاک کتگ۔ آئی ءَ پاکستان ءِ تپاکی ءِ ماحول ءِ برجائی ءِ واستہ جزم ءِ پدا زور دات بلے ہر قیمت ءَ پاکستان ءِ وت واجہی ءُ علاقائی یکوئی ءِ رکھینگ ءِ واستہ پاکستان ءِ مھکمیں جزم ءِ ھم پدر کت۔ آئی ءَ اے گپ ھم پدر کت کہ پاکستان سندھ ءِ آپانی معاہدہ ءَ را ھچبر چیلنج کنگ ءِ موہ نہ دنت۔ مزن وزیر ئَ پاکستان ءُ متحدہ عرب امارات ءِ نیام ئَ گرم، نزیکی ءُ برات ءِ سیادی ءِ بابت ئَ گوشت کہ گوستگیں سال ءِ ساھت ئَ دوئیں دوستیں ملک آنی نیام ئَ ھاسیں رنگ ئَ معیشت ءُ سرمایہ کاری ءِ شوبگ آنی تہ ئَ دو نیمگی کمک ئَ گیش گہتری اتکگ۔ آئی ئَ پاکستان ءُ امارات ءِ سیادی ئَ را وت مہ وتی سیت ءِ اقتصادی شریک داری ءِ تہ ئَ بدل کنگ ءِ جزم ءِ سر ئَ پدا زور پر دات۔ امارات ءِ صدر ءَ ایمنی ءِ واستہ پاکستان ءِ کوشست آناں ساڑات ءُ جنگ بندی ءِ تپاکی ءَ را وش اتک کت۔ یو اے ای جنوبی ایشیا ءَ ایمنی ءُ ایمنی ءِ بحالی ءِ کمک ءَ کنت ۔
