پسرور۔14مئی (اے پی پی): مزن وزیر محمد شہباز شریف ءَ راستی ءِ جنگ ءِ وھد ءَ آپریشن ’’بانان مرسوس‘‘ ءِ دیم ءِ لیکہ پسرور چھاؤنی سیالکوٹ ءِ تر ءُ تاب کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ راستی ءِ جنگ ءِ وھد ءَ آپریشن ’’بنیان مرصوص‘‘ ءَ بھر زوروکیں افسر ءُ سپاھیگ آں گوں گند ءُ نند کتگ۔ رپوٹ ءِ رد ءَ مزن وزیر آیوکیں لھتیں روچ ءَ پاک فضائیہ ءُ پاک بحریہ ءِ افسر ءُ سپاھیگاں گوں گند ءُ نند کنت ءُ ایشی ءِ تہ ءَ ایربیس ءُ نیول بیس ءِ تر ءُ تاب ھم کنت ۔ نائب مزن وزیر ءُ درئی کارانی وزیر محمد اسحاق ڈار، وزیر دیمپان خواجہ آصف، آرمی چیف جنرل سید عاصم منیر، ایئر چیف مارشل ظاہر احمد بابر سدھو، وفاقی وزیر احسن اقبال، عطا اللہ تارڑ، آرمی کور کمانڈر سیالکوٹ ءُ ٹوھیں سول ءُ اردی سروک مزن وزیر ءِ ھمبراہ اتنت۔
