پاک چین اقتصادی راہداری ئِ سرجمی ئَ زیات پائدگ بلوچستان ئَ بیت، پاک چین اقتصادی راہداری ئِ روت ئَ یک انچ ئِ ہم بدلی نہ کرت انت، نیشنل یونیورسٹی آف ماڈرن لینگوئجز گوادرئَ چینی زبان ھیل دئیگ ئِ ھاتر ئَ وتی کیمپ جوڑ کنت
قائد اعظم محمد علی جناں تحریک پاکستانئَ بلوچستان ئِ ھندی نو در بر آنی کرد ئُُ جوش ئُُ جبزگ ئَ باز آماچ ات، صدر مملکت ممنون حسین ئِ کوئٹہ ئَ قائد اعظم محمد علی جناح ئِ یوم ولادت ئِ پڑ ئَ اڈ بوﺅکیں دیوان ئَ تران
کوئٹہ۔ 27دسمبر ( اے پی پی) صدر مملکت ممنون حسین ئَ گشتگ انت کہ پاک چین اقتصادی راہداری سرجمی ئَ زیات پائدگ بلوچستان ئَ بیت۔ پاک چین اقتصادی راہداری ئِ روٹ ئَ یک انچ ئِ ہم بدلی نہ کرت انت۔ بلوچستان ئِ ھواری ئَ پاکستانئِ ھچ بہر ایشی ئِپائدگ ئَ محروم نہ بیت۔ ریاست ئُُ ملکی ادارگ بلوچستان ئِ ھواری ئَ درستیں ملک ئِ سلامتی ئُُ اجتماعی مفادات آنی رکھگ کنگ ئَ انت، قائد اعظم محمد علی جناح ئِ کوشست آں مسلمان آں پاکستانئِ نام ئَ جتا ملک رستگ۔ اے ھیال آنی درشانی آئی ئَ دو شمبے ئَ بانی پاکستان قائد اعظم محمد علی جناح ئِ یوم ولادت ئِ پڑئَ گورنر گِس کوئٹہ ئَ اڈ بوﺅکیں دیوان ئَ تران کنگ ئَ کرتگ۔ اے موہ ئَ گورنر بلوچستان محمد خان اچکزئی، صوبائی وزیر، ڈاکٹر حامد خان اچکزئی، سردار رضا بڑیچ، عبدالرحیم زیارتوال، میر مجیب الرحمن محمد حسین ، سردار اسلم بزنجو ، میر سر فراز بگٹی ،س ردار صالح بھوتانی، نواب محمد خان شاہوانی، ایڈیشنل چیف سیکٹری منصوبہ بندی ئُُ دیمروی محمد داﺅد بڑیچ، سیکرٹری خزانہ اکبر حسین درانی، صوبائی سیکرٹری لائیو اسٹاک، آئی جی ایف سی ندیم احمد انجم ، آئی جی پولیس بلوچستان احسن محبوب، سکول آنی نو دربر ئُُ کٹھمی مردم آنی مزنیں کساس شریدار ات انت۔ صدر پاکستان ممنون حسین ئَ گشتگ کہ قائد اعظم ئِ یوم ولادت ئِ سلسلہ ئَ کوئٹہ ئَ بوﺅکیں دیوان ئَ بہر زورگ ئَ منی دلی وشی بوتگ انتئُُ اے منا تا دیر ئَ یات بہ بیت۔ مرچی کجام ھد ئَ زاھگ آنی شریں پر فارمنس سیل کنگ ئَ دلی وشی بوتگ ئُُ منی دِگہ یقین پختہ بوتگ کہ منی زاھگ آنی دست ئَ پاکستان ئِ باندات محفوظ انت۔ بابائے راج ئِ بلوچستان ئَ سیادی ئُُ بازیں موہ ئُُ آئی ئِ ادا آھگ ئَ تفصیل آنی باروا زانگ ئَ وشی بوتگ ۔ آئی ئَ گشتگ کہ قائد اعظم محمد علی جناں کوئٹہ، سبی، مستونگ، جھٹ پٹ ئُُ پشین ئِ ھواری ئَ لہتیں ھند آں ہم بازیں بار آتک آئی ئَ آئی ئِ بلوچستان ئِ گوں مہر ئِ درشانی بیت انت۔ ہمے وڑ ئَ آئی ئِ بھروسہی سنگت ئُُ دوست آنی باز مزنیں کساس بلوچستان ئِ لہتیں بہر آں تالان بوتگ ات انت آھاں تحریک پاکستان ئِ زمانگ ئَ وتی بے پناہ محنت ئَ اُلسی بیداری پیداک کرتگ۔ ہمے وجہ انت کہ 1946ئَ کوئٹہ ئِ بلدیاتی گچینکاری ئَ مخلوط وڑیں گچینکاری ئَ ابید مسلم لیگ ئَ درستیں نشست مزنیں اکثریت ئَ کٹتگ اے ھبر ئَ تحریک آجوئی ئَ نوکیں روح داتگ پرچاکہ مخلوط طرز گچینکاری ئَ یک گل ئِ اینکس مزنیں سر سوبی ئِ ھچ دومی مثال تاں اے وھدئَ دیما نہ آتکگ ات۔ ہمے وجہ انت کہ گچینکاری آسر رسگ ئَ پد قا ئد اعظم ئَ وش بوھگ ئَ گشتگ کہ ” ویلڈن بلوچستان“ ۔ آئی ئَ گشتگ کہ قائد اعظم محمد علی جناح تحریک پاکستان بلوچستان ئِ ھندی نو در بر آنی کرد ئُُ جوش ئُُ جبزگ ئَ باز آماچ ات۔ آئی ئَ گشتگ کہ بابائے راج ئَ 1945ئَ ملسمان ہند ئَ دست بندی کرتگ کہ شما منا چاندی ئِ تگولی بہ دئیت آجوئی ئِ جنگ جنئگ ئَ شمارا پاکستان بہ دئیاں، صدر مملکت ئَ گشتگ کہ بلوچستان ئُُ ایشی ئِ باندات ئِ باروا قائد اعظم ئِ بصیرت ئُُ دوریں اندازگ اے گپ ئَ جت کن ات کہ آئی ئَ وطن عزیز ئِ ایشی سرا بہار گوشہ ئِ باروا کجام امیت ئِ نشاندگی مرچی ئَ لگ بھگ 70سال دیما کرتگ انت آ مرچی حقیت جوڑ بوھگ ئَ دیما آتکگ انت ئُُ بلوچستان دیمروی ئُُ وشحالی ئِ نوکیں مزل ئِ نیمگ ئَ روان انت آئی ئَ پاک چین اقتصادی راہداری شرین کرد پیش داریت۔ اے سلسلہ ئَ من بلوچستان ئِ ڈگار ئَ اوشتاتگ ئَ اے واضح بہ کناں کہ پاک چین اقتصادیراہداری ئِ روٹ ئَ یک انچ ئِ ہم بدلی نہ بیت ئُُ اے گپئَ یقین بہ دیاں کہ بلوچستان ئَ نہ بلکں ملک ئِ ھچ ہم بہر ئَ اے راہداری ئِ پائدگ ئَ محروم نہ بیت۔ آئی ئَ گشتگ کہ منا یک بار ہمے گورنر گِسئَ اے گشگی ات کہ اگاں بلوچستان اقتصادی راہداری ئِ پائدگ ئَ محروم بیت انت گڑا پدا مارا اے راہداری ءِھچ ضلورت نیست من مرچی ہم وتی اے بیان ئِ سرا اوں ئُُ دلگوش بہ بیت کہ ریاست ئُُ ریاستی ادارگ اقتصادی راہداری ئِ سلسلہ ئَ بلوچستان ئِ ھواری ئَ درستیں ملک ئِ مفاد آں رکھگ بیت۔ آئی ئَ گشتگ کہ اقتصادی راہداری ئِ ھواری ئَ دومی دیمروی منصوبہ آں یک وھد ئَ سرجم ئُُ ایشی ئِ پائدگ ئِ بروبر بہر ئُُ بانگ وطن عزیز ئِ قائد آنی ذمہ واری انت ئُُ آ وتی فریضہ یقینا درست وڑ ئَ ادا بہ کن انت بلے ایشی ئَ زیات بوھگ ئَ شمے ذمہ واری انت کہ صوبہ ئَ کجام امیت پیداک بوھگ ئَ انت وت ئَ ایشی ئَ پائدگ بوھگ ئِ ھاتر ئَ تیار بہ کن ات۔ صدر مملکت ئَ گشتگ کہ لہتیں وھد دیما من نیوٹیک ئَ پنت ئُُ شون کرتگ اوں کہ آ بلوچستان ئِ ورنا آں لہتیں پیشہ ھاس کن بحری تجربت ، جہاز رانی ئُُ دومی ہمگرنچ شعبہ آں ھیل کاری دئیگ ئِ ھاترئَ ھاسیں کوس تیار بہ کن ات تنکہ بلوچستانئِ ورنا آں روزگار ئِ زیات ئَ چہ زیات موہ بہ رسیت۔ سدر مملکتئَ گشتگ کہ من نیشنل یونیورسٹی آف ماڈرن لینگکوئجز ئَ پت ئُُ شون بہ کناں کہ آ گوادرئ۔ چینی زبان ھیل دئیگ ئِ ھاترئَ وتی کیمپ جوڑ بہ کن انت۔ اے مکسد ئِ ھاتر ئَ من نمل ئَ ایوان صدر ئِ ھرچ ئُُ درچ کم کنگ ئَ یک زر ہم داتگ انت منا وشی انت کہ اے منصوبہ ئِ سرا ہم کار بندات بوتگ انت۔ صدر مملکت ئَ بلوچستانئَ امن ئُُ ایمنی ئِ ھوالہ ئَ بلوچستانئِ جاورال تسلا بخش نہ ات بلے حکومت پاکستان ئُُ نیشنل ایکشن پلان ئِ ردا بوﺅکیں کارروائی آن دلبڈی ئِ آسر دیما آتکگ انت۔ ایشی ئَ دیما گورنر بلوچستان محمد خان اچکزئی ئَ گشتگ کہ قائد اعظم محمد علی جناح ئِ 140یوم ولادت ئِ پڑ ئَ مرچی ئِ دیوانئَ بہر زورگ منی ھاتر ئَ باعث فخر انت اہل بلوچستان ئِ گوں قائد اعظم محمد علی جناح ئِ مہر ئِ اندازگ اے گپ ئَ جت کن ات کہ خان آف قلات ئَ قاعظم محمد علی جناح ئُُ اائی ئِ گہار ئَ سہر ئَ تول کرتگ، آئی ئَ گشتگ کہ قائد اعظم محمد علی جناح ئَ وتی زند ئِ آھری روچ ہم زیارت ئَ گوازینتگ۔ قائد اعظم محمد علی جناح ئَ 14اگست 1947ئَ پاکستان ئِ نام ئِ سرا یک آزاد ئُُ وت واجہ ملک دگنیائِ نقشہ ئَ جوڑ کرتگ ۔ دیوان ئَ نو در بر آں براھداری نغمہ پیش کرت انت ئُُ بلوچستان ئِ فنکار آں وتی فن ئِ شریں مظاہرہ کرت انت۔
