فوجداری ضابطہ ءِ تہا 60 ءَ چہ گیش ترمیم آرگ بوھگ ءَ انت، الیکشن کمیشن ءُ اپوزیشن ءَ را گچین کاری اصلاحات ءِ بابت ءَ گپ ءُ تران ءِ حکومت ءِ تجویز ءِ سرا سنگینیں رویہ ءِ درشان کنگ لوٹیت، وزیر مملکت ءَ کانود ءُ انصاف ءَ راجی اسمبلی ءَ وتی ھیال درشان

اسلام آباد۔20جون  (اے پی پی): کانود ءُ انصاف ءِ وزیر مملکت ءِ بیرسٹر عقیل ملک ءَ گوشت کہ 60 ءَ چہ گیش ترمیم ءِ فوجداری قانود ءِ تہ ءَ آرگ بوھگ ءَ اِنت، الیکشن کمیشن ءُ اپوزیشن ءَ را حکومت ءِ گچین کاری ءِ اصلاحات ءِ سر ءَ گپ ءُ تران ءِ تجویز ءِ سر ءَ سنگینیں رویہ ءِ درشان کنگ لوٹ ایت، انصاف ءِ گندگ بندات بوتگ۔ شمبے ءِ روچ ءَ راجی اسمبلی ءَ لازمی ھرچ ءُ درچ ءِ ھوالگ ءَ بحث ءِ ساھت ءَ اپوزیشن ءِ نیمگ ءَ چست کتگیں نکات آنی پسو ءَ بیرسٹر عقیل ملک ءَ گوشت کہ آرٹیکل 81 ءُ 82 ءَ ھاسیں رنگ ءَ گشگ بوتگ کہ سرکاری مالیات ءِ سر ءَ پارلیمانی کنٹرول بیت۔ لازمی ھرچ ءُ درچ ءِ بابت ءَ اپوزیشن ءِ باسکاں ایوک ءَ سیاسی گشتانک داتگ ءُ سیاسی زھر ءُ زھرشانی ءِ بہا کتگ۔ لازمی ھرچ ءُ درچ ءِ سر ءَ گپ ءُ تران کنگ بیت بلے ایشی ءِ سر ءَ ریفرینڈم کنگ نہ بیت ۔ آئی ءَ گوشت کہ آرٹیکل 68 ءِ رد ءَ جج ءِ رھبند پارلیمنٹ ءَ گپ ءُ تران ءِ واستہ آرگ نہ بیت۔ اپوزیشن ءِ باسک آنی نیمگ ءَ قاضی آنی نام گرگ مذمت ءُ افسوس ءِ گپ اِنت۔ 25 کروڑ مردم آمید گس ءَ چہ انصاف لوٹگ ءَ انت بلے آہانی تعصب ءِ کچ ءُ کساس جتا انت۔ اپوزیشن ءِ مردم آئینی ءُ قانونی رھبندانی رد ءَ زندان ءِ دروازگاں پچ کنگ ءُ وتی سروک ءِ یلہ کنگ ءَ انصاف لیکگ ءَ اَنت۔ توشا خانہ کیس ءَ آہانی اپیل قبول کنگ نہ بوتگ ۔ اپوزیشن بہتام جنگ ءُ بے جاہ ایراد جنگ ءَ چہ پھریز بہ کنت۔ آئی ءَ گوشت کہ اودا آئی ءِ اُمیت وار سوبمند بنت اودا دھاندلی نہ بیت بلے ھما حلقہ آں کہ چہ آھاں دگہ پارٹی آنی اُمیت وار سوبمند بنت آھاں دھاندلی گندگ ءَ کیت۔ بیرسٹر عقیل ملک ءَ گشتگ کہ اگاں بشرہ بی بی سیاسی زالبولے نہ انت گڑا اے انگشتری ءُ ہیرے ءِ ہار چہ کجا اتکگ انت کہ آہاں میاں اوستمانی تک ءَ ملک ءِ بدنام کتگ، درستیں کیس کس ءِ واھشت ءِ سرا نہ انت بلکیں قانونی بنیاد ءَ انت۔ آئی ءَ گوشت کہ کانود ءِ شوبگ ءَ اصلاحات کنگ بوھگ ءَ انت، انصاف ءِ ترندی ءَ پجاری ءِ واستہ فوجداری ضابطہ ءَ 60 ءَ چہ گیش ترمیم کنگ بوھگ ءَ انت، اپیل ءِ واستہ ای فائلنگ سسٹم جوڑ کنگ بوتگ۔ آئی ءَ گوشت کہ الیکشن کمیشن ءُ اپوزیشن ءَ را گچین کاری ءِ اصلاحات ءِ سر ءَ حکومت ءِ گپ ءُ تران ءِ تجویز ءِ سر ءَ سنگینیں رویہ ءِ درشان کنگ لوٹ ایت، سپریم کورٹ ءَ پیسر ءَ 17 جج بوتگ اَنت، اے ایوان ءَ آئینی آمید گس جوڑ کتگ، انگت ءَ 60 جج آنی سیٹ ھالیگ اَنت  ، چہ خاصیں چیمبراں نہ بلکیں میرٹ ءُ شفافیت ءِ سرا گچین کنگ بوھگ ءَ انت۔ بیرسٹر عقیل ملک ءَ گشتگ تحریک انصاف ءِ بانی سئے چار رند ءَ اسپتال ءَ آرگ بوتگ ءُ آئی ءَ را شریں دوا ءُ درمان ءِ آسراتی دیگ بوتگ ۔ ما کسے یک مردمے ءِ ذات ءِ بابت ءَ مہ جیڑیں بلکیں ملک ءُ قوم ءِ بابت ءَ جیڑیں۔ چارٹر آف ڈیموکریسی ءَ پد پاکستان چارٹر ءِ ضلورت انت ۔ آئی ءَ گوشت کہ آرٹیکل 200 ءِ رد ءَ جج آنی بدلی کنگ بیت، ایشی ءِ سر ءَ کس ءَ گِلگ نہ بوتگ۔ انصاف ءِ ترندیں رنگ ءَ سر کنگ ءِ ھاترا کتگیں گامگیج آنی میوہ گندگ بوھگ ءَ بندات بوتگ اَنت۔ آیوکیں مالی سال ءِ وفاقی بجٹ ءَ ان شاء اللہ لازمی ھرچ ءُ درچ ءِ تہ ءَ عدلیہ ءِ واستہ گیشیں زرّ ایر کنگ بنت۔