بے بنیں افواہ، ردیں ھال شنگ کنوکیں عناصر من گھڑتیں بیانیہ ءِ وسیلگ ءَ ملک ءَ بے رھبندی ءُ آشوب ءِ شنگ کنگ ءِ جھد ءَ اَنت، رانا ثنا اللہ

اسلام آباد۔20جون  (اے پی پی): مزن وزیر ءِ سیاسی کارانی بابت ءَ مشیر رانا ثناء اللہ ءَ بے بنیں گپ ءُ ردیں ھال شنگ کنوکاں ھال داتگ کہ اے وڑیں عناصر من گھڑتیں بیانیہ ءِ وسیلگ ءَ ملک ءَ بے رھبندی ءُ آشوب ءِ شنگ کنگ ءِ کوشست ءَ کنگ ءَ اَنت۔ میڈیا چینلاں گوں تران کنان ءَ آئی ءَ مزن وزیر ءِ کارگس ءَ ھرچ وڑیں بدلی ءِ ھال ءُ اھوالاں گوں ھاسیں رنگ ءَ رد کتگ ءُ بے بن ءُ گمراہ کنوکیں گپ لیک اِتگ ءُ گوشت کہ مزن وزیر ءِ بدلی ءِ ھوالگ ءَ ھال ءُ اھوال سرجم ءَ دروگ اَنت۔ مزن وزیر شہباز شریف ملک ءَ را راستیں کشک ءَ برگ ءَ انت ءُ جہانی تک ءَ پاکستان ءِ امیج ءَ را برز کتگ ۔ آئی ءَ گیش گوشت کہ سرجمیں دگنیا ءَ پاکستان ءَ پجار ءُ شرپ رستگ ۔ آئی ئَ گوشت کہ مزن وزیر ئِ مخلصی، محنت ئُُ راج ئِ دیم ئَ گوشت ئِ سر ئَ ھمک تک ئُُ پڑ ئَ مردم آنی ساڑاھ زرتگ۔ آئی ءَ گوشت کہ ملک ءِ چیلنجز آنی گیواری ءِ واستہ مزن وزیر ءِ سروکی ءُ لگن ءِ مزنیں کساس ءَ ساڑاھگ بوتگ۔ یک جستے ءِ پسو ءَ آئی ءَ گشتگ کہ سرکار اپوزیشن ءِ گوما گپ ءُ تران ءِ واستہ دائم ءَ ساڑی انت ۔ آئی ءَ یات دات کہ مئے پارٹی ءِ اپوزیشن ءِ وھد ءَ ھم آئی ءِ سروک آنی سر ءَ کیس درج کنگ بوتگ اَنت پدا ھم آ جمہوری عمل ءِ سر ءَ باور کن اَنت۔ دمگی دیمروئی آنی سر ءَ تبصرہ کنان ءَ آئی ءَ گوشت کہ ایران ءِ سر ءَ پابندیاں ھلاس کنگ ءَ چہ پاکستان ءِ معیشت ءِ سر ءَ جوانیں اثر کپ ایت ءُ ایشی ءَ چہ تجارتی ءُ اقتصادی کمک ءِ واستہ نوکیں راہ پچ بوت کنت۔ گلگت بلتستان ءِ سیاسی جاور ھال ءِ سر ءَ آئی ءَ گوشت کہ مسلم لیگ (ن) جوڑیشت ءِ کرد ءَ پیلو کنت ۔ آئی ءَ گیش کرتگ کہ پاکستان پیپلز پارٹی ءَ دمگ ءَ گیشتریں سیٹ گپتگ ءُ اتحادی حکومت جوڑ کنگ ءِ ھاترا دگہ پارٹی آں گوں شور ءُ سلاھ کنگ ءَ اِنت۔