آئی بی سی سی ءَ درملک ءَ درخواست دیوک آنی واستہ ای پے ePay ءِ آسراتی بندات کتگ

اسلام آباد۔20جون  (اے پی پی): انٹر بورڈز کوآرڈینیشن کمیشن ءَ میاں اوستمانی برابری ءِ درخواست دیوک آنی واستہ آئی بی سی سی ای پے IBCC ePay ءِ نام ءَ آن لائن ویزا ءُ ماسٹر کارڈ ءِ ادائیگی ءِ آسراتی ءِ بندات کتگ، ایشی ءِ وسیلگ ءَ دنیا ءِ کجام ھم دمگ ءَ چہ فیس ءَ را ایمن، تیز ءُ آسانیں رنگ ءَ جم کنگ بوت کنت۔ اے آسراتی ءِ ھاتر ءَ درملکی پاکستانی، میاں اوستمانی نودربر ءُ درملکی درخواست دیوک آنی آسراتی ءِ ھاتر ءَ دیم ءَ آرگ بوتگ کہ آ آئی بی سی سی ءَ چہ برابری ءِ آسراتی ءَ چہ سیت چست کن اَنت۔ آئی بی سی سی ای پے ءِ وسیلگ ءَ درخواست دیوک نوں بینک ءِ جسمانی تر ءُ تاب ءَ ابید آن لائن ادائیگی کنگ ءِ اہل بنت ایشی ءَ چہ سروسز ءِ رسائی ءُ آسراتی ءَ را مزنیں کساسے ءَ گہتری کیت۔ آئی بی سی سی ای پے ءِ بندات ادارگ ءِ گیشیں ڈیجیٹل ٹرانسفارمیشن پروگرام ءِ بہر اِنت، ایشی ءِ مول ءُ مراد سرکاری آسراتی ءِ پھجارینگ ءِ تہ ءَ شفافیت، کارکردگی ءُ کسٹمر ءِ آسراتی ءَ را گیش گہتر کنگ اِنت۔ آئی بی سی سی ءِ ایگزیکٹو ڈائریکٹر ڈاکٹر غلام علی ملاح ءَ گوشت کہ اے آسراتی وزارت وفاقی وانگ ءُ زانگ ءُ پیشہ وارانہ تربیت ءِ ھاسیں پنت ءُ شون ءُ برجاھیں کمک ءِ چیر دستی ءَ اوورسیز نودربر ءُ درخواست گزار آناں آسراتی ءِ واستہ جوڑ کنگ بوتگ۔ ڈاکٹر ملاح ءَ وفاقی وزیر وانگ ءُ زانگ ءُ پیشہ وارانہ تربیت ءُ وفاقی سیکرٹری وانگ ءُ زانگ ءِ رہشونی، دلبڈی ءُ سرجمیں کمک ءَ را ساڑات ءُ گوشت کہ اے ھاسیں گامگیج ایشانی کمک ءَ چہ ممکن بوتگ۔ آئی ءَ گیش گوشت کہ اے نظام سرجم ءَ آئی بی سی سی ءِ اندری تکنیکی ٹیم ءِ نیمگ ءَ جوڑ کنگ بوتگ کہ اے ادارگ ءِ گیش بوھوکیں تکنیکی توانائی ءُ نوآبادیاتی ءِ درشان اِنت۔ آئی ءَ آئی بی سی سی ءِ آئی ٹی ٹیم ءِ کوشست آناں شگر ءُ منت درشان کت ءُ گوشت کہ ادارگ ءَ لس آسراتی، شفافیت ءُ کارروائی آنی تہ ءَ آسانی ءِ واستہ دگہ بازیں ڈیجیٹل منصوبگ آنی سر ءَ ھم کار برجاہ اِنت۔ آئی بی سی سی نوکیں ٹیکنالوجی ءِ جوانیں کارمردی ءِ وسیلگ ءَ پاکستان ءُ سرجمیں دگنیا ءَ نودربر ءُ ایندگر اسٹیک ہولڈر آناں کوالٹی، موثر ءُ آسانیں ازمت آنی پجارینگ ءِ واستہ جزم اِنت۔