اسلام آباد ۔17مئی (اے پی پی)ڈنی کارگِس ءِ ربالکار ڈاکٹر محمد فیصل ءَ گوشت کہ امریکی سفارتکاران ءُُ گوستگیں حکومتانی نیمگا چہ داتگیں رعایت استیں حکومت ءَ واتر گپتگ انت، امریکی سفارتکار کرنل جوزف سفارتی استثنیٰءِ ردا واتر شتگ انت، دیت دیگ ءِ ہچ حال نیست ات،بے ڈوھیں فلسطینی آنی ھون ریچگ ءُُ ایشانی سرا لٹ ءُُ کُٹ ءِ ایر جنئگءُُ اے معاملہءِ سرا او آئی سی ءِ سرجمیں دیوان لوٹائینگ ءِ پلہ مرزی کتگ،مزن وزیر شاہد خاقان عباسی (مروچی) جمعہ ءَ او آئی سی راھشون دیوان ءِ تہ بھر زورگ ءَ پہ روان بنت۔ پاکستان ہمساھگ ملک ءِ بستارءَ گوں ایران ءِ گوما رھوت جاڑی ایر کنت ءُُ تہران ءِ ہلاپ ءَ یک نیمگی بندشانی محالفت کنت۔ بھارتی میڈیا پاکستانءِ ھوالہ ءَ گوں معاملہ ءَ گیش کت پیش کنگ ءِ ابید وتی تہی معاملہ ءِ سرا دلگوشی دات، نئی دہلی انسانی حقانی سنگین ھلاپ ورزی آنی ہمگرنچ پٹ ءُُ پول ءِ ھاترا او آئی سی فیکٹ فائنڈنگ مشن ءَ زور گپتگیں کشمیرروگ ءِ اجازت ءَ دات ۔بھارت ءِ بین الابراعظمی بیلسٹک میزائل پروگرام یورپ، چینءِ ھوار میاں اوستمانی براھندگیءِ ھاترا تکانسری ءُُ بھارتی پالیسی ءَ چہ دمگ ءِ امن ءُُ گہبودی ءَ ھطرہ انت۔ پنچ شمبے ءَ ہپتمی روچ ءِ پریس بریفنگ ءِ ساعت ءَ امریکی سفارتکارءِ باروا یک جستے پسو دیان ءَ ربالکار ءَ گوشت کہ امریکی سفارتکارکرنل جوزف ءَ راسفارتی استثنیٰ حاصل اتنت ءُُ آں واتر شتگ انت۔دیت دیگ ءِ باروا ہچ معلوم نیست ات۔آہاں گوشت کہ امریکی سفارتکار ءَ را ہچ وڈیں ھاسیں رعایت نہ دات ات بلکہ استیں حکومت ءَ امریکی سفارکارءَ را گوستگیں حکومتانی نیمگا چہ داتگیں آسراتی واتر گپتگ انت۔یک جستے پسو ءَ ربالکار ءَ گوشت کہ پاکستانی ءُُ امریکی سفارتکارانی چرگ پھرگ ءِ سرا بندش انت انوں آں دوئیں ملکانی سفارتکار ان 25مربع کلومیٹر ءِ حد ءَ چہ ڈن ءَ روگ ءَ چہ پیسر ءَ این او سی گرگ بیت۔ربالکار ءَ امریکی سفارتخانہ ءِ بیت المقدس ءَ برگ ءِ پدا اسرائیلی فرسز ءِ نیمگا چہ بے ڈوھیں فلسطینیانی ھون ریچگ ءُُ آہانی سرا لٹ ءُُ کُٹ ءِ ایر جتگ ءُُ گوشت کہ اے معاملہ ءِ سرا دراھیں امت ءِ مسلمہ تپاک انت۔آہاں ترکی ءِ نیمگا چہ اے معاملہ او آئی سی ءِ سرجمیں دیوان لوٹائینگ ءِ پلہ مرزی کت ءُُ گوشت کہ مزن وزیر شاہد خاقان عباسی (مروچی) جمعہ ءَ اوآئی سی ءِ راھشونی دیوان ءِ تہ شریداری ءِ ھاترا راھادگ بنت۔(ن۔ا۔ج)
