یوم قائد نا دود آتا چرجوئی ٹی راولپنڈی آرٹس کونسل اٹی اسٹیج ڈرامہ” گھر تو آخر اپنا ہے“ نا پیش کش
اسلام آباد۔ 26دسمبر (اے پی پی) یوم قائد نا دود آتا چرجوئی ٹی راولپنڈی آرٹس کونسل نا کنڈآن قومی یکجہتی نا سرحال آ اسٹیج ڈرامہ”گھر تو آخر اپناہے“ پیش کننگا۔ ڈرامہ ساجد منظور تحریر وخت اس کہ منور آفریدی ہدایت آتے تسوسس۔ باسک قومی اسمبلی طاہرہ اورنگزیب ، ناہید منظور و ریذیڈنٹ ڈائریکٹر وقار احمد تون اوار مہمان خاص ئسر وخت اس کہ فنکار آتیٹی علی شان، لائبہ علی ، لبنیٰ شہزادی، ریحایوسف، منور آفریدی و شہزاد پپو اوار ئسر۔ ڈرامہ نا بنجائی خیال ئس کہ پاکستان اسہ گلدستہ اسے و ہر پنچ آ صوبہ غاک اوٹی لگوک پھل ئُ ۔ ڈرامہ نا ایسری آ تران کرسا ایم این اے طاہرہ اورنگزیب نا پاننگ ئس کہ قومی یکجہتی آن دشمن واک آتا مقابلہ ئِ کننگ مریک۔ اوپارے کہ میاں محمد نواز شریف نا سروکی ٹی ملک داخاطران شون ہلنگئِ کہ او غٹ صوبہ غاتون اواری اٹ چلینگ انگ ئِ۔ طاہرہ اورنگزیب نا پاننگ ئس کہ ڈرامہ نا سرحال بھاز جوان ئس ہراڑآن خلقت آتے گچین کلہو رسینگک۔ اوپارے کہ راولپنڈی آرٹس کنونسل ہمیشہ معیاری پروگرام تے اڈ ایتک۔ ناہید منظور پارے کہ قومی یکجہتی وخت انا اہم گرج ئِ ہراڑآن امن باوری مریک۔ ریذیڈنٹ ڈائریکٹر وقار احمد ناپاننگ ئس کہ یوم قائد نا وخت آ غٹ اختلاف آتے گیرام کرسا بایدے اسٹ مرین ۔
