مزن وزیر محمد نوازشریف ھمے رنگ ئَ پاکستان ئَ را وشھال کنگ لوٹیت کہ ھمے رنگ ئَ راجی بامرد قائداعظم ئَ لوٹ اِتگ، عیسائی برات آنی مزنیں جہد ئُُ جہد ئِ بوتگ ملک ئِ جوڑ کنگ ئَ ، وزیر ئِ مملکت برائے اھوالکاری ئُُ شنگ کاری مریم اورنگزیب ئِ قائداعظم محمد علی جناح ئُُ مزن وزیر محمد نواز شریف ئِ یکجائی سالروچ ئِ درگت ئَ کیک ئِ کپ کنگ ئِ ساھت ئَ اھوال در آں گوں تران
اسلام آباد ۔ 25 دسمبر (اے پی پی)وزیر مملکت برائے اھوالکاری ئُُ شنگ کاری مریم اورنگزیب ئَ گوشت کہ مزن وزیر محمد نواز شریف پاکستان ئِ وشھال کنگ ئَ گامگیج کنگ ئَ اِنت ھمے رنگ ئَ کہ راجی بامرد قائداعظم محمد علی جناح ئِ واھگ بوتگ۔ ملک ئِ دیمروئی ئَ پہ عیسائی برات آنی سک باز کمک اِنت۔ اے ھیال آنیدرشانی یک شمبے ئَ نیشنل پریس کلب اسلام آباد ئَ برجم داشتگیں دیوان ئَ رسانک درآں گوں تران کنان ئَ کُت اَنت۔ آئی ئَ مبارک دیان ئَ گوشت کہ بُنجاھی حکومت 19ئَ چہ 25دسمبر ئَ تاں یک ھپتگ ئِ قائداعظم ئِ ودی بوھگ ئِ درگت ئَ شاتکامی ئِ یاتاں گوازین ایت۔ اے رد ئَ پاکستان سپورٹس کمپلیکس اسلام آباد ئِ لیاقت جمنازیم ئَ گڈی مراگش برجم دارگ بوھگ ئَ اِنت۔ اے مراگش آنی تہ ئَ کساس 25ھزار زھگ ھوار بوتگ اَنت ئُُ اکسی نماش ئُُ ایندگہ مراگش آنی تہ ئَ بھر زُرتگ۔
