اسلام آباد۔ 10 مئی (اے پی پی) قومی اسمبلی ٹی بروک آ مالی سال 2018-19 ء نا بجٹ آ شرہ پنچ شنبے نادے ہم برجاسلیس وخت اس کہ (اینو) جمعہ نادے وزیرخزانہ مفتاح اسماعیل بجٹ آ شرہ ءِ چٹفک۔ پنچ شنبے نادے قومی اسمبلی ٹی جمعیت علماء اسلام (ف) انا باسک قاری محمد یوسف بجٹ آ شرہ کرسا پارے کہ ترکی ننے آن مون آ پیش تمانے۔ پاکستان نا عالم اسلام نا ویل آتیا ردعمل بایدے غٹ آن مست برے۔ اوپارے کہ معیشت ءِ بایدے سود آن پاک کننگے۔ بجٹ اٹ مدرسہ غاتے کن فنڈاف۔ سودی نظام نا چٹفنگ کن داٹی ہچ اس کننگ تنے۔ کوہستان نا آبادی اسہ تحصیل اسے نا بریبر ہم اف ولے بٹ گرام نا گڑاس علاقہ غاتے داٹی اوار کرسا صوبائی حکومت کوہستان ءِ ضلع اس جوڑ کرینے دا زیادتی ءِ دانا بنجانوٹس ءِ ہلے۔
