اسلام آباد۔ 8 مئی (اے پی پی) صدر مملکت ممنون حسین ءَ گوشت کہ پاکستان ءُُ سعودی عرب راجدپتر ، نیک راھ ءُُ دود ءُُ ربیدگ ءِ ٹوھیں ریشگ آں گوں بندوک اَنت ایشانی درور اِچ جاھ ءَ نہ رس ایت، آیوکیں باندات ءَ اے یکوئی آنی تہ ءَ گیش جھلانکی ءُُ شاھیگانی پیداک بیت۔ آئی ءَ اے گپ سعودی عرب ءِ نائب وزیر ءِ وانگ ءُُ زانگ حماد نصیر اے المہریج ءَ گوں گپ ءُُ تران کنان ءَ کت آئی ءَ سئے شمبے ءَ ایوان ءِ صدر ءَ وتی ڈل ءِ ھمبراھی ءَ آئی ءَ گوں گند ءُُ نند کت۔ اے موہ ءِ سر ءَ سعودی عرب ءِ سفیر نواف بن سعد المالکی، وزارت اسلامک افیئرز، دعوۃ ءُُ گائیڈننس ءِ ممبر عبدالعزیز عبداللہ الفلاح، وزارت ھزانگ ءِ ممبر محمد سعد القہبانی، وزارت توکی کار ءِ ممبر ابراہیم صالح آئی الحدودیتی، انسٹی ٹیوٹ آف پبلک ایڈمنسٹریشن ءِ ممبر محمد احمد اے المغدونی، سیکرٹری برائے نائب وزیر وانگ ءُُ زانگ فہد ابراہیم اے السقیہی، میاں اوستمانی اسلامی یونیورسٹی اسلام آباد ءِ ریکٹر پروفیسر ڈاکٹر معصوم یسین زئی ءُُ صدر پروفیسر ڈاکٹر یوسف اے الدرویش ھم اے موہ ءِ سرءَ ساڑی اتنت۔
