بلوچستان ءَ را ناشرکاری ءِ وسیلہ ءَ پریشان کنگ ءِ موہ دیگ نہ بیت، لسبیلہ ءُ خضدار ءِ ارش مذمت انت، میر ظہور احمد بلیدی

کوئٹہ۔ 09 جولائی (اے پی پی): صوبائی وزیر منصوبہ بندی ءُ دیمروئی میر ظہور احمد بلیدی ءَ لسبیلہ ءَ کانود ءِ نفاذ ءِ ادارگ آنی سر ءَ ناشرکاری اُرش ءُ سیاسی ءُ قبائلی رہشون ءِ گس ءِ سر ءَ اُرش ءِ مذمت کنان ءَ میر شفیق الرحمن مینگل ءَ اے خضدار ءَ گوشت کہ بلوچستان ءُ بلوچ روایت ءُ دود ءُ ربیدگانی پدریں لگتمالی۔ بلوچستان حکومت سیکورٹی ادارگ ءُ الس ءِ کمک ءَ ناشرکاری ءِ آفت ءِ ہلاس کنگ ءُ صوبہ ءَ دائمی امن ءِ برجم کنگ ءِ جہد ءَ برجاہ دار ایت۔ اے ھیالانی درشانی آئی ءَ اے پی پی ءَ گوں تران کنان ءَ کت۔ میر ظہور احمد بلیدی ءَ گوشت کہ ناشرکاریں عناصر صوبگ ءِ امن ءَ را ھراب کنگ ءِ ھاترا نا شریں کوشست کنگ ءَ اَنت، البت اے وڑیں نا شریں نیت ھچبر سوبمند نہ بنت۔ آئی ءَ گوشت کہ بلوچ چاگرد ءِ تہ ءَ چادر ءُ چاردیوال ءِ تقدس مُدام بنیاتی ارزشت ءِ واھند بوتگ، پمشکا آبادی ءِ گس آناں نشانگ جوڑ کنگ ایوک ءَ ناشرکاری نہ اِنت بلکیں بلوچ روایت ءُ دود ءُ ربیدگ آنی مزنیں لگتمالی یے۔ صوبائی وزیر میر ظہور بلیدی ءَ اُرشانی تہ ءَ شھید بوتگیں کانود ءِ نفاذ ءِ کارندہ ءُ سیاسی کارکن آناں شگر ءُ منت گپت ءُ دعا کت کہ اللہ تعالیٰ آھاں جنت ءِ تہ ءَ مزنیں مقامے بہ دنت، ھمے وھد ءَ ٹپی آناں ترند ءُ سرجمیں جان سلامتی بہ دنت۔ آئی ءَ وتی جزم ءِ درشان کت کہ بلوچستان ءِ حکومت سیکورٹی ادارگ ءُ مہلوک ءِ کمک ءَ گوں ناشرکاری ءِ آفت ءِ ہلاس کنگ ءُ صوبہ ءَ دائمی امن ءِ برجائی ءِ جہد ءَ برجاہ دار ایت۔