اسلام آباد۔ 8 مئی (اے پی پی) صدر مملکت ممنون حسین ءَ گوشت کہ کدرتی آپت ءُُ وئیل آں گوں گر ءُُ چیل بوھگ ءِ واستہ ’’ریڈ کریسنٹ کور‘‘ ءِ برجائی وھد ءِ المی ایں ضلورت اِنت، ڈیزاسٹر مینجمنٹ ءِ سرھال وانگ ءُُ زانگی وانگی آنی تہءَ ھوار کنان ءَ ایشی ءِ سیت ءُُ نپ آناں سہرا کنگ بہ بیت۔ آئی ءَ اے گپ سئے شمبے ءِ روچ ءَ انجمن ہلالِ احمر پاکستان ءِ اولی کنونشن ءَ گوں گشتانک دیان ءَ کت۔ مراگش ءَ گوں گورنر پنجاب رفیق رجوانہ، گورنر خبیرپختونخوا اقبال ظفر جھگڑا، گورنر بلوچستان محمد خان اچکزئی ءَ ابید چیئرمین انجمن ہلال احمر ڈاکٹر سعید الہٰی ءَ ھم گشتانک دات۔ مراگش ءَ میئر اسلام آباد انصر عزیز، انجمن ہلال احمر پاکستان ءِ صوبائی ءُُ ضلعی سروک ھم ساڑی اتنت۔ صدر ءِ مملکت ءَ گوشت کہ کمو وھد پیسر ءَ تاں ہلال احمر ءِ وڑیں گل کدرتی آپت ءُُ ایشی ءَ چہ پیداک بوتگیں جیڈھ آنی گیواری ءَ ابید استیں زمانگ ءِ موسمی مٹ ءُُ بدلی آنی ارزشت در جنگ ءَ اِنت چیا کہ نوں گیشتریں جیڈھ اے مٹ ءُُ بدلی آنی سبب ءَ پیداک بوھگ ءَ انت۔
