اسلام آباد۔ 08 مئی (اے پی پی) بنجائی وزیر قومی جان جوڑی سائرہ افضل تارڑ پارینے کہ الس ءِ کمکاری طبی مصنوعات و آسراتی تا فراوانی نا کاز کنا است آن بھاز خڑک ءِ، اوپارے کہ کنے 69 می جہانی جان جوڑی اسمبلی نا وخت آ 2006ء ٹی کمکاری طبی مصنوعات نا فہرست نا جاری کننگ نا اعزاز دوئی ءِ، پاکستان چندی ملک آتا کمک و مخ تفی آن دا معاملہ ءِ 142می ایگزیکٹو بورڈ اٹی دننگ اٹ سرسہب مس و اللہ تعالیٰ نا مدت آن داسہ دا ہندا تُو اٹی مروک آ 71می جہانی جان جوڑی اسمبلی ٹی ہم پیش مننگ ءِ۔ نن بھلو کاریم کرینن و داسہ پین کاریم ہم کروئی ءِ۔ ننا مشن ہمووخت آ پورو مریک ہراتم کمکاری ٹیکنالوجی نا ہر ضرورت مند ءِ دا معاونتی طبی ازباب و آسراتی تسکان رسینگ دوئی مریک۔ داہیت ءِ او بحیرہ روم ڈیہہ نا دے ٹکی ملک آتے ٹی طبی کمکاری ٹیکنالوجی اسکان رسینگ اٹ گچینی نا بارواٹ ڈیہہ نا ملک آتا سلابتی دیوان آن تران کرسا پارے۔
