اسلام آباد۔ 08 مئی (اے پی پی) سیکرٹری ڈٹ بندی، شونداری و اصلاحات شعیب احمد صدیقی پارینے کہ حکومت پاکستان پائیدار شونداری نا ہدف آتے قومی پالیسی نا اہم ءُ بشخ اس جوڑ کرینے، پاکستان اٹی شونداری نا ہدف آتا دوئی کننگ نا کوشست آتے کن وزارت ڈٹ بندی ٹی خصوصی یونٹ جوڑ کننگانے۔ داخیال آتا درشانی ءِ او پائیدار شونداری ہدف آتا بابت دیوان آن تران کرسا کرے۔ سیکرٹری ڈٹ بندی پارے کہ وزارت ڈٹ بندی ٹی جوڑ کروک پائیدار شونداری نا ہدف آتا یونٹ آک صوبہ و صوبائی حکومت آتون رابطہ غاتا کمک اٹ شیفکو کہول اسکان نظام ءِ مون آ دننگ ءُ۔ شعیب احمد صدیقی پارے کہ پاکستان ستمبر 2018 ء ٹی اڈ ہلوک آ علاقائی کہول آ پائیدار شونداری نا ہدف آتیا اڈ ہلوک آ سیمینار نا میزبانی ءِ کیک۔ سیکرٹری ڈٹ بندی پارے کہ ورنانسل و زالبول نا اوار مننگ آن بیدس شونداری نا ہدف آتا دوئی کننگ آسان مفک۔ اوپارے کہ پاکستان 2019ء ٹی پائیدار شونداری نا ہدف آتا قومی رضاکارانہ جاچ اکن پورو وڑاٹ تیار ءِ۔ سیکرٹری ڈٹ بندی پارے کہ حکومت پائیدار شونداری نا ہدف آتا بابت تعلیمی ادارہ و راج اٹی غٹ تپہ غاتے ٹی آگاہی نا مہم نا بناءِ کننگ ءِ۔
