اسلام آباد۔ 08 مئی (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تے ٹی داخلہ ڈویژن نا شونداری کاریم تے کن جم وڑاٹ داوخت اسکان 11 ارب 88 کروڑ روپئی آن زیات نا فنڈ جاری کرینے۔ حکومت ڈویژن نا شونداری کاریم تے کن اینخو مالی سال اٹی 15 ارب 68 کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نار داٹ حکومت فرنٹیئر کارپس بلوچستان نا کاریم نا کچ ءِ ودفنگ کن 65 کروڑ، رزمک اٹی شوال رائفل آتے کن ہنکین تا جوڑ کن 19 کروڑ 66 لکھ، کراچی ٹی رائفل ونگ ہنکین تا جوڑ جاڑ کن 61 کروڑ 82 لکھ، عبداللہ شاہ غازی رینجرز کراچی کن 75 کروڑ، ایچ 16ٹی ماڈل جیل انا جوڑ جاڑ کن 80 کروڑ، اسلام آباد اٹی ماڈل پولیس اسٹیشن نا جوڑ کننگ و پولیس اصلاحات کن 30 کروڑ تون اوار چندی شونداری ڈٹ آتے کن فنڈ جاری کرینے۔
