اسلام آباد۔ 08 مئی (اے پی پی) قومی اسمبلی انسداد دہشت گردی (ترمیمی) بل 2018 ء نا منظوری ءِ تس ہرانا رداٹ شاہد و استغاثہ ءِ رکھ فراوان مریک۔ سے شنبے نادے قومی اسمبلی ٹی سید نوید قمر انسداد دہشت گردی ایکٹ 1997 ء ٹی مستی ترمیم کننگ نا بل انسداد دہشت گردی (ترمیمی) بل 2018 ء ءِ سینیٹ نا منظور کروک دروشم اٹ فی الفور سجفنگ نا تحریک پیش کرے۔ نعیمہ کشور مخالفت کرسا پارے کہ بل انا بارواٹ ننے ہچ اس معلوم اف۔ نوید قمر پارے کہ دا بل دہشت گردی نا واقعہ غاتے ٹی شاہدآتے واستغاثہ ءِ رکھ فراوان کننگ کن ءِ۔ داڑآ کشور زہرہ پارے کہ او دانا مخالفت ءِ کپک۔ اوکان پد اسپیکر ایوان آن دانا شق وار منظوری ءِ ہلک۔ نوید قمر بل ءِ ایوان اٹ پیش کرے ہرانا منظوری ءِ ایوان تس۔
