اسلام آباد۔ 07 مئی (اے پی پی) مزن وزیر شاہد خاقان عباسی ءَ سرجمیں دگنیا ءِ الس آنی سر ءَ زور پر دات کہ آ مقبوضہ کشمیر ءَ بھارتی جنگ ءُُ چوپ ءِ ھلاپ ءَ وتی گوانک ءَ را برز بکن وھدیکہ میاں اوستمانی سروک کشمیری زالبول، زھگ ءُُ ورنا آناں ناروائیں سلوک ءُُ لگت مالی ءِ واستہ یکجاھ بہ بنت۔ دو شمبے ءَ مز ن وزیر کارگس ءَ جاڑی بوتگیں بیان ءِ رد ءَ مزن وزیر ءَ گوشت کہ پاکستان ءَ را مقبوضہ کشمیر ءَ بھارتی سیکورٹی فورسز آنی لگت مالی ءِ کاروائی، کودکیں شہری الس آنی شہادت ءُُ بنی آدم آنی ھک آنی ترندیں ھلاپ کنگ ءِ پد ءَ ٹوھیں دلگرانی اِنت، بھارتی سیکورٹی فورسز آں انوں زوت آں کشمیری الس ءِ ھلاپ ءَ ناشرکاری ءِ بازار گرم کتگ۔ حریت ءِ سروک آں دزگیر ءُُ نظر بند کنگ بوتگ ءُُ پرایمنیں جاک ءُُ کوکاری مردم آنی سر ءَ ارش کنگ بوھگ ءَ اِنت ءُُ تیر آنی وسیلگ ءَ ٹپیگ کنگ بوھگ ءَ انتْ آئی ءَ گوشت کہ بھارتی ریاستی ناشرکاری ءِ نتیجگ ءَ گوستگیں 36کلاک ءَ 14مردم آنی شہادت بوتگ۔ مزن وزیر ءَ گوشت کہ اقوام ءِ متحدہ ءِ ہائی کمیشن برائے بنی آدمی ھک ءُُ او آئی سی وتی مستر بنی آدمی ھک آنی کمیشن ءَ را آھودا رسد ءِ دیگ ءِ مکن کنگ بھارتی لٹ ءُُ پل ءُُ لگت مالی کاروائی ءِ تلپچیں درور اِنت۔
