اسلام آباد۔ 07 مئی (اے پی پی) مزن وزیر شاہد خاقان عباسی ءَ گوشت کہ پاکستان آیوکیں باندات ءَ سرمایہ کار ءِ ھوالگ ءَ جوانیں منزل ءِ بیت، گریبی ءِ ھلاسی ءُُ معاشی وشھالی ءِ واستہ نمبگ آنی کساس 9درسد ءَ تاں برگ سک باز المی اِنت، ما 5 سال ءِ حکومت ءَ ملک ءَ چہ ناشرکاری، ھاٹیگ ءِ کمیگ ءَ را ھلاس کتگ، در ملکی سرمایہ کار آناں پاکستان ءَ چہ سرمایہ کاری ءِ واستہ دعوت دیاں۔ آ دو شمبے ءَ سرمایہ کاری بورڈ ءُُ جنگ گروپ ءِ کمک ءَ چہ سرمایہ کاری کانفرنس ءَ گوں گشتانک دیگ ءَ اَنت۔ کانفرنس ءِ بُن گپ نمبگ ءِ 9درسد ءَ تاں برگ اِنت۔ مزن وزیر ءَ گوشت کہ حکومت ءِ مٹی ءَ ابید ملکی ءُُ در ملکی سرمایہ کار آنی واستہ راجی پالیشی جاڑی بہ بیت، ما 5سال اانی چیلنجز آں ابید دیمروئی ءِ نیمگ ءَ ودگ، پاکستان ءَ چہ ناشرکار آنی پناہ گاہ آناں ھلاس کنگ بوتگ، مسلم لیگ (ن) ءِ حکومت ءَ ناشرکار آنی توامیں پناہ گاہ آناں ھلاس کتگ ایش حکومت ءِ مزنیں کامیاتی اِت ءُُ ناشرکار آنی ھلاپ ءَ آ کامیات بوتگ اَنت۔ ملک ءَ ایمنی آرگ ءِ واستہ توامیں گامگیج چست کنگ بوتگ اَنت ءُُ ایشرا برجا دارگ بوھگ ءَ اِنت۔ بنیاتی کوکار ءِ تہ ءَ مھکمیں سرمایہ کاری کنگ بوتگ، ملک ءَ 17سد کلومیٹر موٹر ویز جوڑ کنگ بوھگ ءَ اِنت، اقتصادی زونز ءَ چہ روزگار ءِ موہ گیش ودگ ءَ اَنت، ایشی ءِ گوما دکہ ءُُ ائیر پورٹس ءِ گہتری کنگ بوھگ ءَ اِنت وھدیکہ توان ءُُ کدرتی گیس ءِ پُجاری دل یکیمی کنگ بوھگ ءَ اِنت۔
