اسلام آباد۔ 07 مئی (اے پی پی) مزن وزیر شاہد خاقان عباسی ءَ گوشت کہ پاکستان پاکستان پاک۔چین اقتصادی راہداری ءِ کامیاتیں سرجمی ءُُ سڑک ءُُ زرّئی کشک آنی واستہ دمگی رابطہ آنی دیمرؤئی ءَ دل یکیمی جوڑ کنان ءَ اقتصادی نمبگ ءَ را 9درسد ءَ تاں برت کنت۔ آئی ءَ اے گپ دو شمبے ءِ روچ ءَ ادا انسٹی ٹیوٹ آف میری ٹائم افئیرز ءِ چیر دستی ءَ برجم داشتگیں میاں اوستمانی میری ٹائم سمپوزیم ءَ گوں گشتانک دیان ءَ کت۔ مراگش ءَ صدر آزات جموں کشمیر سردار مسعود خان، چیف آف نیول سٹاف ایڈمرل ظفر محمود عباسی، بحریہ یونیورسٹی ، وائس چانسلر ایڈمرل محمد شفیق، قومی سلامتی ءِ مشیر لیفٹیننٹ جنرل (ر) ناصر خان جنجوعہ ءُُ ڈی جی میری ٹائم افیرز ریئر ایڈمرل مختار خان ءَ بھر زوری کت۔ مزن وزیر ءَ گوشت کہ اے وھد ءَ پاکستان ءِ اقتصادی نمبگ 6درسد اِنت پدا ھم زرّ ءَ تاں رسگ ءِ جوانیں رنگ ءَ کار رپک آنی کارمردی ءَ چہ اے پڑ ءِ تہ ءَ ٹوھیں گیشی آرگ بیت کنت۔ آئی ءَ گوشت کہ بالی پڑ ءِ شوبگ اگاں جوان گندگ بوھگ ءَ انت پدا ھم 80درسد میاں اوستمانی تجارت انوگ ءَ تاں زرّئی کشک ءَ چہ بوھگ ءَ اِنت۔ آئی ءَ گوشت کہ اے رنگ ءَ مراگش آنی برجائی سک باز المی اِنت چیا کہ پاکستان سی پیک ءِ سر ءَ کار کنگ ءَ اِنت ءُُ چین ءَ یک سڑک ءُُ یک پٹی ءِ گامگیج ءِ بندات کتگ۔
