پسرور۔5 مئی(اے پی پی) مزن وزیرشاہد خاقان عباسی ءَ گوشت کہ اگاں الس ءَ آیوکیں لس گچین کاری ءِ گہتریں پیسلہ کت گڈا مسلم لیگ (ن) ھمے رنگ ءَ جیڈھ آنی گیواری ءَ کنت، پیسلہ ءِ مستری دگہ کس ءِ کراّ ناں بلکینگ ءَ الس ءِ کراّ بہ بیت، الس ءِ گچین بوتگیں نماھندگ آناں پنچ سال ءِ حکومت کنگ ءِ مستری گون بہ بیت، استیں پنچ سال ءِ وھد ءَ ھمک صوبگ ءِ کراّ ءَ سروکی کنگ ءِ مستری گون اَنت پدا ھم مسلم لیگ ں ءُُ نوازشریف ءَ کت ءُُ پیش داشتگ، ملک ءِ مستری ءُُ دیمروئی ءِ کار الس ءِ دیم ءَ انت، مسلم لیگ (ن) ءَ اِچ ٹک ءِ ضلورت نہ اِنت ءُُ آ وتی ریکاٹ ءِ سر ءَ اوشتاتگ۔ شمبے ءَ مزن وزیر شاہد خاقان عباسی ءَ پسرور ءَ سیالکوٹ پسرور روڈ ءِ شاھیگانی ءِ منصوبگ ءِ بن ھشتی سنگ ءِ ایر کنگ ءَ پد گشتانک دیان ءَ کت زاہد حامد ءَ را ھمک گرانیں ءُُ سکیں وھد ءَ حکومت ءَ ھما کہ زمہ واری داتگ آ آئی ءَ جوانیں رنگ ءَ سرجم کتگ ءُُ کجام ھم چیریں جیڈھ ءِ سرءَ شور ءُُ مشور کنگ بوتگ ءُُ آئی ءَ کدئی ھم اے کار ءَ را سرجم کنگ ءَ انکار نہ کتگ، پارلیمانی کمیٹی برائے گچین کاری ءِ نیمگءَ جوڑ کتگیں بل ءَ ھم یک ردئی آ کہ زاہد حامد ءَ نہ کتگ بوتگ پدا ھم آئی ءَ اخلاقی زمہ واری ءِ درور دیان ءَ وزارت ءَ چہ استیپا دات ، آئی ءِ سر ءَ اچ کس ءِ زور پر نہ بوتگ ۔ آئی ءَ وت وتی مزن بالادی ءَ استیپا دات۔ آئی ءِ دمگ ءِ مردم آناں مبارک بہ بیت کہ آئی ءَ اے رنگیں نماھندگ گچین کتگ۔ مزن وزیر ءَ گوشت کہ ھما ملک ءَ کہ سیاستدان ءِ شرپ کنگ مہ بیت آ ملک دیمروئی کت نہ کنت ھمینچو شرپ ءُُ ازت جج ءُُ جرنیل ایگ اِنت ھمینکیاس سیاست دان ایگ اِنت، ملکی جیڈھ آنی گیواری گڈی ءَ سیاستدان آنی وسیلگ ءَ بنت۔
