پسرور/نارووال۔5 مئی(اے پی پی) مزن وزیرشاہد خاقان عباسی ءَ نارو وال ءُُ پسرور ءَ نیشنل ہائی وے اتھارٹی ءِ ارزشتی ایں روڈ منصوبگ ءِ بن ھشت ءَ را ایر کت۔ اے منصوبگ نارووال، لاہور، سیالکوٹ چار کشک موٹر وے لنک ہائی وے ءُُ سیالکوٹ پسرور شاہراہ ءِ شاھیگان کنگ اِنت، 73کلومیٹر طویل چار کشک ءِ جوڑیشت ءَ چہ لاہور ءُُ ناروال ضلع ءِ نیام ءَ سپر ءُُ سپر ءِ ساھت ءَ وھد ءُُ پاس کم بیت۔ شمبے ءِ روچ ءَ مزن وزیر شاہد خاقاب عباسی ءَ اے دوئیں منصوبگ آنی بن ھشت ءَ را ایر کت۔ پسرور ءَ سر بوھگ ءَ کیڈٹ کالج پسرور ءِ کیڈٹس ءَ مزن وزیر شاہد خاقان عباسی ءَ را گارڈ آف آنر پیش کت، ءُُ ایشی ءَ را سیالکوٹ پسرور ڑوڈ ءَ را دو کشک کنگ ءُُ ایشی ءِ گہتری ءِ منصوبگ ءِ بابت ءَ بریفنگ دیگ بوت۔ ناروال اے وھد ءَ نیشنل ہائی وے نیٹ ورک ءَ گوں یکجاھ اِنت ایشی ءِ سبب ءَ کمو ٹرانسپورٹیشن ءُُ اے دمگ ایوک ءَ ڈلگچار بوھگ ءَ ات۔ اے دمگ ءَ ارزشتی ایں جغرافیائی ارزشت ءِ بستار کرز ءُُ جوانیں کشت ءُُ کشاری ءَ ھوار زیتون، پُرتگال ءُُ لائیو سٹاک ءِ برآمد ءِ شاھیگانیں در گون۔ اے شاہراہ ءَ چہ اقتصادی گہتری ءُُ روزگار ءِ نوکیں موہ پچ بنت۔ چار کشک ڈیول کیرج وے منصوبگ ناروال، نارنگ منڈی ءُُ ایشی ءِ کش ءُُ کر ءِ دمگ آناں لاہور، سیالکوٹ موٹروے لنک ہائی وے ءَ گوں ھوار کنت، ترند تریں ٹرانسپورٹیشن ءِ سبب ءَ کشت ءُُ کشاری ءُُ تجارتی چست ءُُ ایر آناں دیمروئی رسیت۔
