اسلام آباد۔4 مئی(اے پی پی )مزن وزیر شاہد خاقان عباسی ءَ آدینگ ءِ روچ ءَ کہوٹہ ءِ نزیک ءَ کروٹ ہائیڈرو پاور پراجیکٹ ءِ تر ءُُ تاب کت ءُُ منصوبگ ءِ سر ءَ بوھوکیں کار ءِ گام آنی چار ءُُ تپاس ءِ گپت ۔ اے موہ ءِ سرءَ مزن وزیر ءَ منصوبگ ءِ ھوالگ ءَ بریفنگ ھم دیگ بوت۔ بریفنگ ءَ گوشگ بوت کہ کروٹ پن توان منصوبگ ءَ چہ 720میگاواٹ توان پیداک بیت، اے منصوبگ دریائے جہلم ءِ سر ءَ آپ ءِ تچگ ءِ کشک جوڑیشت کنگ بوھگ ءَ اِنت ایش اے وڑیں منصوبگ آں چہ یک اِت۔ اے منصوبگ کروٹ پاور کمپنی ءُُ چین ءِ رتھری گارجیز کارپوریشن پرائیویٹ لمیٹڈ جوڑیشت کنگ بوھگ ءَ انت کروٹ پن تون منصوبگ سی پیک ءِ بھر اِنت۔ منصوبگ ءَ چہ جوڑی بوھوکیں ڈیم 95ءُُ نیم میٹر بُرز ءُُ 27کلو میٹر دراج بُر بیت، ڈیم ءَ 152ملین کیوبک میٹر آپ ءِ یکجاھ مچ کنگ بیت۔ اے منصوبگ ءَ چہ ھندی آباتی ءِ واستہ ھم روزگار ءِ نوکیں موہ پیداک بنت۔
