اسلام آباد۔4 مئی(اے پی پی )مزن وزیر شاہد خاقان عباسی ءَ گوشت کہ پاکستان ءَ معیشت‘ ھاٹیگ ‘ مووٹر ویز ءَ ھوار السی ازمت ءِ ھمک منصوبگ ءِ سرءَ محمد نواز شریف ءُُ پاکستان مسلم لیگ (ن) ءِ چیدگ نکش اِنت، پاکستان مسلم لیگ (ن) ءَ مدام ازمت ءُُ شراپت ءِ سیاست کتگ، مئے مقابلہ ھما گل ءَ گوں است انت ھما کہ زاھ ءُُ بد بھتام بندی ءِ سیاست ءَ کن اَنت، پاکستان ءِ الس بھتام ءِ سیاست ءَ کامیات نہ بنت، 2018ءِ الیکشن ءَ پاکستان ءِ الس 2013 ءَ چہ گیش ووٹ دینت ءُُ پاکستان مسلم لیگ (ن) ءُُ نواز شریف ءَ را کامیات کن اَنت، آیوکیں الیکشن ءَ دگہ یک ءِ ایگ ناں بلکینگ ءَ ایوک ءَ پاکستان ءِ الس ءِ پیسلہ بیت۔ آ آدینگ ءِ روچ ءَ کہوٹہ ءِ دمگ نڑھ ءَ السی مچی ءَ گوں گشتانک دیان ات۔ بُنجاھی وزیر ءِ اھوالکاری ءُُ شنگ کاری ءُُ راجی مڈی مریم اورنگزیب بُنجاھی وزیر حافظ عثمان‘ ایم پی اے ثوبیہ انور ستی‘ راجہ صغیر احمد آف مٹور‘ بلال یامین ستی‘ بریگیڈئیر (ر) جاوید ستی‘ یونین کونسل آنی چیئرمینو وائس چیئرمین‘ شرپ مندیں دمگی مردم آں بھر زوری کت۔ مزن وزیر شاہد خاقان عباسی ءَ گوشت کہ منی واھشت اِنت کہ منی شرپ مندیں دوست کرنل (ر) یامین ستی (ھُدامرزی) ءِ دمگ ءَ بیا آں ءُُ آئی ءِ کبر ءِ سر ءَ برواں، مئے آئی ءِ گوما سئی سال ءِ رابطہ اِنت، ما سیاسی سفر ھواری ءَ بُر اِتگ۔
