اسلام آباد ۔ 4 مئی (اے پی پی) صدر مملکت ممنون حسین ءَ گوشت کہ پاکستان ءُُ ترکی یے سک باز نزیکیں ءُُُ جوانیں یکوئی برجا اَنت ایش پڑ ءَ برجائی ءُُ دیمروئی ءِ واستہ زامن اَنت۔ اے ھیالانی درشانی آئی ءَ ترک سلاھ بندیں ارد ءِ سروک چیف آف جنرل اسٹاف جنرل ہلوسی آکار ءَ گوں گند ءُُ نند ءَ کت آئی ءَ آدینگ ءِ روچ ءَ ایوان صدر ءَ صدر ءِ مملکت ءَ گوں گند ءُُ نند کت۔ اے موہ ءِ سرءَ ترک سفیر احساں مصطفی یورداکول ءَ ابید ٹوھیں کارندہ اے موہ ءَ ساڑی اتنت۔ صدر مملکت ءَ گوشت کہ پاکستان ءُُ ترکی ءِ نیام ءَ دوستی ءُُ یکوئی انچیں جوانیں ءُُ توسیپی انت کہ ایشاں گال آنی تہ ءَ بیان کنگ نہ بیت۔ آئی ءَ گوشت کہ میاں اوستمانی جیڈھ آنی گیواری ءِ رد ءَ ترکی ءِ کرد سک باز جوان اِنت۔
آئی ءَ شرپ مندیں مہمان آناں گوشت کہ آ ایشی ءِ نیکیں واھگ ترکی ءِ صدر برات رجب اردوان ءَ تاں پجارین اَنت۔ ترک مسلمانیں ارد ءِ سروک جنرل جنرل ہلو سی آکار ءَ مُرمڈائیں مہمان داری ءِ سرءَ صدر ءِ مملکت ءِ شگر گپت ءُُ گوشت کہ پاکستان ءَ ھمک گرانیں ءُُ سکیں ساھت ءَ ترکی ءِ گوما ھمگام بوتگ ایشی ءِ پد ءَ سرجمیں پاکستانی الس ءِ منت وار آں۔
