اسلام آباد۔ 03مئی (اے پی پی) صدر مملکت ممنون حسین قومی کمیشن انسانی حق اناخذمت آتا ستاءِ کرسا پارے کہ داوڑنا ادارہ ملک انا نیک نامی ٹی ودکی نا سوب جوڑ مریک۔ داخیال آتا درشانی ءِ او پنچ شنبے نادے قومی کمیشن انسانی حق انا چیئرمین جسٹس ریٹائرڈ علی نواز چوہان تون اوڑدہی ٹی کرے۔ اوڑدہی ٹی بلوچستان و فاٹا آن تعلق تخوک آ کمیشن نا باسک فضیلہ عالیانی و ڈاکٹر بیگم جان ئسک ہم ساڑی ئسر ۔ داوخت آ چیئرمین قومی کمیشن انسانی حق صدر مملکت ءِ تینا ادارہ نا سالانہ رپورٹ ءِ پیش کرے۔ اوصدر مملکت ءِ ہزارہ برادری نا ویل ، کیلاش قبیلہ نا رکھ، نمائندگی، اوفتا آئینی حق انا بحالی و چناتا رکھ انا معاملہ غاتیا تالان جتا جتا رپورٹ پیش کرے۔ چیئرمین قومی کمیشن انسانی حق ادارہ نا دائرہ کار نا سرجم آتیان ہم صدر مملکت ءِ معلومدار کرے۔
