اسلام آباد۔ 03مئی (اے پی پی) وزیر اطلاعات ، نشریات ، قومی تاریخ و ادبی میرات مریم اورنگزیب پارینے کہ آزادی صحافت اسہ لگڑری یا چوائس اس اف، دا غٹ پوسکن آ راج انا بنداو آک ءُ ہراڑآن بیدس او فک کاریم کننگ کپسہ، اینو اسہ پلو آ نن آزادی صحافت نا دے ءِ اڈ تننگ اُن ایلو کنڈآ آزادی صحافت ءِ قدغن آتا مون تروکی ءِ ، ہرا ملک اٹی آزاد میڈیا سنسر شپ نا کنڈآ کائے و آزاد میڈیا آزاد مفئے او بے کچ افسوزناک ءِ۔ پنچ شنبے نادے آزادی صحافت نا دے انا وخت آ تینا بیان اٹی وزیر اطلاعات و نشریات مریم اورنگزیب پارے کہ آزادی صحافت نا ساڑی آ چیلنج و خلیس آک بے شمار ءُ ، گڑاس بنداوی ڈھانچہ نا لحاظ اٹ ، گڑاس ذاتی یا ادارہ و گڑاس تغیراتی (عارضی) ءُ، دا غٹ ویل و خلیس آتون مون تننگ کن جمہوری واک ، سول سوسائٹی ، میڈیا نا نمائندگان و تنظیم آتا تین پہ تینی شراکت المی ءِ۔ اوپارے کہ بیرہ متحدہ کوشست آتیان ہی آزادی صحافت نادشمن آتے شکست تننگ مریک۔
