اسلام آباد۔ 03مئی (اے پی پی) وزیراعظم شاہدخاقان عباسی پارے کہ بروک آ لس گچین کاریک شست دے آن پد مریرہ، الیکشن اٹی ہرے مننگ نا ہچ ءُ گمان اس اف، نگران وزیراعظم نا بابت قائد حزب اختلاف داسہ پن ایتے تو ای داسہ فیصلہ کیوہ، بروک آ لس گچین کاریک شفاف مریرہ۔ پنچ شنبے نادے اسپیکر قومی اسمبلی نا کنڈآن قومی تاریخ نا چانڑدہ می قومی اسمبلی نا اعزاز اٹی تروک آ سپاروکی عشائیہ نا وخت آ صحافی تتون غیر رسمی ہیت وگپ کریکہ۔ داوخت آ صحافی تا سوج آتا ورندی ٹی وزیراعظم پارے کہ بروک آ لس گچین کاریک 60 دے آن پد مریرہ۔ الیکشن اٹی ہرے مننگ نا ہچ ءُ گمان اس اف ۔ نگران وزیراعظم نا بابت اسہ سوج اسے نا ورندی ٹی اوپارے کہ قائد حزب اختلاف سید خورشید احمد شاہ کنے داسہ پن تے ایتے تو ای فیصلہ کننگ اٹی بااختیارمریو، ای داسہ فیصلہ کیوہ۔ نگران وزیراعظم نا شخصیت نا بابت اوپارے کہ نگران وزیراعظم ریٹائرڈ جج،ریٹائربیوروکریٹ یابزنس مین اس ہم مننگ کیک۔ اوپارے کہ بروک آ لس گچین کاریک شفاف مریرہ، ساڑی آ حکومت تینا مد ءِ پورو کیک۔
