جدہ۔ 2 مئی (اے پی پی)ناشرکاری ءِ گر ءُُ داری یکجائی اسلامی ھواریں ارد ءِ ادارکی سیکرٹری جنرل لیفٹیننٹ جنرل عبداللہ بن عثمان الصالح ءَ گوشت کہ ناشرکاری ءِ ھلاپ ءَ جنگ ءَ پاکستان ءِ کمک ھاسیں رنگ ءَ پاک اُرد ءِ کمک ءَ مئے دلبڈی آناں نوکیں گوناپ ءِ بکشاتگ، پاکستان ءِ الس ءِ اخلاقی ءُُ سیاسی کمک ءَ را سعودی عرب ءِ ھمک شہری شرپ مندیں نگاہ ءَ چار ایت، پاکستان ءِ سعودی عربءَ گوں دوستی وت مہ وتی یکوئی ءُُ یکجائی ءِ ھما یکیم آں گوں بندوک اِنت کہ آ آیوکیں سال ءَ ایشرا اقتصادی ءُُ اردی کمک ءِ نوکیں در رس اَنت۔ اے ھیالانی درشانی آئی ءَ پاکستانی میڈیا ءِ ڈل ءَ اِدا گپ ءُُ تران کنان ءَ کت۔ وھد ءِ ناشرکاری ءِ ھلاپ ءَ اسلامی یکوئی برجا بوتگ ، یکوئی ءِ بنجاھ ءَ پاکستانی ھال رسانکی در ءِ ڈل ءِ ایش اولی تر ءُُ تاب اِنت۔ لیفٹیننٹ جنرل عبداللہ بن عثمان الصالح ءِ سروکی ءَ اے یکوئی ءِ تہ ءَ 24اسلامی ممالک آنی ارد ھوار اَنت ءُُ اے یکوئی ناشرکاری ءِ ھلاپ ءَ لس رنگ ءِ طاقت ءُُ کزبی بستار ایگ اِنت۔ یک جست ءِ پسو ءَ آئی ءَ گوشت کہ ناشرکاری سرجمیں دگنیا ھاسیں رنگ ءَ اسلامی دگنیا ءِ ھاترا یک ٹوھیں چیلنج ءِ جوڑ بوتگ۔ ایشی ءَ گوں دست پنجگ بوھگ ءِ ھاترا جوانیں حکمت عملی ءُُ انٹیلی جنس ءَ بگر تاں آپریشن ءَ تاں توامیں بھر آنی تہ ءَ ازمکاری ءِ ضلورت اِنت۔ ایشی ءَ ابید ناشرکار آنی گر ءُُ دار مشگلہ اِنت۔ سعودی عرب، پاکستان ءُُ ایندگہ اسلامی ملک آنی ھال رسانکی در آناں ناشرکاری ءُُ اے رنگیں ھرابیں سسا ءُُ چست ءُُ ایر آناں ھراب نامینگ ءَ وتی کرد جوانیں رنگ ءَ پیلو کنگ لوٹ ایت، ایشی ءِ سر ءَ اے چاگرد آنی سلامتی، وشھالی ءُُ برجائی انت۔ آئی ءَ مسلم ملک آنی میڈیا ءِ وت مہ وتی رابطہ کنگ ءُُ یک ءِ دومیگ ءِ تجروبت ءَ گوں نپ ءُُ سیت چست کنگ ءِ ضلورت ءِ سر ءَ زور پر دات۔
