وتی بنیاتی ھک ءِ گپ کتگ بوتگ، آمید گس ءَ گوانک جتگ من ضلور رواں، رسانکی در آں گوں تران
اسلام آباد ۔ 2 مئی (اے پی پی) بُنجاھی وزیر منصوبگ بندی، دیمروئی کار احسن اقبال ءَ گوشت کہ پاکستان آپ ءِ کمیگ ءِ آماچ بوھگ ءَ انت، آیوکیں پنچ ءَ بگر تاں دھ سال ءَ ٹوھیں شہرآنی تہ ءَ آپ ءِ کمیگ بیت۔ انجینئرنگ ءِ نوکیں رپک ءِ وسیلگ ءَ زرّ ءِ آپ ءَ را ورگ ءِ لائک جوڑ کنگ بیت کنت۔ اے ھیالانی درشانی آئی ءَ چار شمبے ءِ روچ ءَ پی پی ایم آئی ءَ سیمینار ءَ گوں گشتانک ءِ ساھت ءَ کت اَنت۔ بُنجاھی وزیر ءَ گوشت کہ چین ءَ ھوار بازیں ملک اے ھوالگ ءَ نوکیں ٹیکنالوجی ءِ سرءَ کار کنگ ءَ انت۔ احسن اقبال ءَ نیسپاک ءِ کرد ءَ را ھراب نامینان ءَ گوشت کہ نیسپاک یک شریں ادارگ اِت بلے کرد ءِ جوانتر کنگ ءِ ضلورت اِنت۔ آ ادارگ ءِ نہ اِت کہ آ وت پیسلہ کت مہ کنت کہ دروازگ ءِ دراجی 6فٹ کنگی اِنت یا 8فٹ کنگی اِنت۔ بُنجاھی وزیر ءَ گوشت کہ ملک ءَ انجینئرنگ ءِ کرد ءِ تہ ءَ گہتری آرگ ءِ ضلورت اِنت۔ سیمینار ءَ پد میڈیا ءَ گوں گپ ءُُ تران ءِ ساھت ءَ آئیءَ گوشت انت کہ من آمید گس ءَ را بے شرپ یا کسے ءِ سر ءَ ایراد نہ گپتگ۔ آئی ءَ گوشت کہ من وتی بنیاتی ھک آنی بابت ءَ گپ جتگ بوتگ آمید گس ءَ من ءَ گوانک جنت من الم رواں۔
