پشاور۔ 01مئی (اے پی پی) وزیراعظم نا سلاہکار و پاکستان مسلم لیگ (ن) صوبہ خیبر پختونخوا نا صدر انجینئر امیر مقام پارینے کہ مشکل نا ہر ساہت اٹی الس ءِ اولیت ترسا اوفتا ویل آتے ایسر کننگ کن ہر حد اسکان ہنان، جانی و مالی نسخان نا پرواہ ءِ کننگ آن بیدس ، چائے او دہشت گردی مرے، زمی جمب مرے جلاب یا پین قدرتی آفت اس مرے مدام پسماندہ و مظلوم آتون تفینن ۔ داخیال آتا درشانی ءِ او یونین کونسل گلی باغ ، سوات اٹی شمولیتی دود آن تران کرسا کرے۔ داوخت آ چندی سیاسی جماعت آتیان سد آ بندغ آک استیفہ ترسا پاکستان مسلم لیگ (ن) اٹ شمولیت اختیار کریر۔ انجینئر امیر مقام پارے کہ اللہ تعالیٰ موقع تس تو فلک بوس مش تا کاٹم اسکان روڈ آتے سرکینہ و بجلی ءِ ہم روشن کینہ۔ اوپارے کہ اگہ وزیراعلیٰ خیبر پختونخوا ٹی ساڑی آ حالیت آتے مثبت بدلی گوندنگ ءِ تو او زوت آن زوت اسہ جوان ءُ ماہر نفسیات اسے آن تینا دماغ نا درمان ءِ کرفر، کس اسے خن تا آخا وزیراعلیٰ پرویز خٹک ءِ دماغی درمان نا گرج ءِ او ویران پشاور ءِ بدلی پارسا واضح کننگ ءِ کہ اونا دماغی توازن سہی اف۔
