اسلام آباد۔ 01مئی (اے پی پی) بنجائی وزیر اطلاعات و نشریات ، قومی تاریخ و ادبی میرات مریم اورنگزیب پارینے کہ پاکستان تون اوار مچ آ دنیا نا مزور آتے سلام پیش کینہ ، مچ آ دنیا ٹی مروک آ شونداری ٹی مزور آک کلیدی کڑد ادا کرینو، شکاگو نا مزور آتا قربانی مزور آتا حق ءِ دنیا ٹی تحریک نا دروشم تس ہرا پدریسہ مون آ ہِننگ ءِ ، حکومت مزور آتا حالیت ءِ گچین جوڑ کننگ و اوفتے روزگار نا گچین وارخواہی فراوان کننگ کن گام گیج کننگ ءِ و تعلقدار ادارہ غاتا اصلاح و نظم و ضبط اکن ٹھوس ڈٹ بندی کرینے، مزور آتا جان جوڑی ، خور و اوفتے چندی کسب ہیل ترسا شونداری نا عمل ءِ پائیدار جوڑ کننگ مریک۔ سے شنبے نادے یوم مئی نا بابت تینا کلہو اٹی بنجائی وزیر اطلاعات و نشریات مریم اورنگزیب پارینے کہ ملک انا جوڑ جاڑ و شونداری و سوگوی ٹی خواری کش آتا کلیدی کڑد اسے، خواری کش آتے بااختیار جوڑ کرسا شونداری نا ہدف آک زیات ترندی اٹ دوئی مننگ کیرہ۔ اوپارے کہ مچ آ دنیا ٹی مروک آ شونداری ٹی مزور آک کلیدی کڑد ادا کرینو ۔ ننے اینو مزورآتا حق ، شرحالی و راجی رکھ انا فراوانی نا جہد اٹی اوفتے تون پبی تفنگ نا عزم انا اعادہ کروئی ءِ۔
