اسلام آباد۔ 01مئی (اے پی پی) وزیراعظم شاہد خاقان عباسی ’’یوم مئی‘‘ نا بابت کارندہ غاتا حق انا رکھ انا اعادہ ءِ کرسا پارینے کہ حکومت دا ہیت آ باور کیک کہ بیرہ جان جوڑ ، خوانوک و جوان ءُ معاوضہ ہلوک آ افرادی واک ملک انا راجی و اقتصادی شونداری نا ہدف آتا دوئی ءِ المی جوڑ کننگ کیک۔ یوم مئی نا بابت وزیراعظم تینا کلہو اٹی پارے کہ ملک انا شونداری ٹی کارندہ غاتا خواری ہم اوار ارے و ملک انا ترند و پائیدار شونداری ٹی افرادی واک انا کڑد مثالی ءِ۔ اوملک انا افرادی واک ءِ باوری ترفے کہ بنجائی حکومت صوبائی حکومت آتا کمکاری و اواری اٹ کارندہ غاتا خاہوت آتا شرحالی و شونداری کن غٹ تر ممکنہ گام گیج کن پرعزم ءِ تانکہ اوفتا زند انا آب ءِ پین گچین جوڑ کننگ مرے۔
