اسلام آباد۔ 01مئی (اے پی پی) پوسکن آ اسلام آباد بالی پٹ آن نئے بیرہ بنجائی دارالحکومت بلکن خیبر پختونخواہ و پنجاپ نا بھلا بشخ آتے کن ہم فضائی سفر اٹی آسراتی رسینگک، وزیراعظم نا سلاہکار ہوابازی سردار مہتاب نا کماشی ٹی سول ایوی ایشن اتھارٹی (سی اے اے ) ڈٹ ءِ اسہ چیلنج اس سرپند کرسا پورو کرینے ہراٹی اینو اسہ جہانی آب انا بالی پٹ اس حقیقت نا دروشم اس جوڑ مسنے، پوسکن آ اسلام آباد بالی پٹ آن ملک انا ایلو بالی پٹ آتیا آخبت نا گرج آتے مون آ تخسا معیاری خذمت آتا فراوانی ٹی راہشونی دوئی مریک ۔ وزیراعظم شاہد خاقان عباسی سے شنبے نادے اسلام آباد بالی پٹ انا بناءِ کرسا پارے کہ سی اے اے و فضائی سفر اینو نا دور انا گرج ءِ و ہر ملک انا ایوی ایشن نئے بیرہ تینا ملک انا دودوربیدگ نا عکاس مریک بلکن دا اقتصادی شونداری نا گیٹ وے اس ہم ارے ہراڑآن ملک اٹی معاشی شونداری نا عکاسی مریک۔
