اسلام آباد۔ 30اپریل (اے پی پی) بُنجاھی وزیر برائے موسمی مٹ ءُُ بدلی سینیٹر مشاہد اللہ خان ءَ گوشت کہ موسمی مٹ ءُُ بدلی یک میاں اوستمانی جیڈھ اِت، پاکستان ءَ موسمی مٹ ءُُ بدلی ءِ دھ ملک آنی لڑ ءَ ھپتمی نمبر ءِ سر ءَ اِنت، موسم ءِ مٹ ءُُ بدل بوھگ ءِ سبب ءَ جیڈھ سک نگیگ بوھگ ءَ اَنت، موسم ءِ مٹ ءُُ بدل بوھگ ءِ بابت ءَ زانت ءُُ سردی ضلوری اِنت۔ مارا اے شرپ رستگ کہ ما کلائمینٹ چینج ایکٹ 2017منظور کنائینتگ۔ آئی ءِ گوشگ اَت کہ اے مٹ ءُُ بدل بوھگ ادارکی نہ اَنت۔ مارا گوں ایشاں دست پنجگ بوھگ ءَ کوشت کنگی اِنت۔ اے نیمگ ءَ مارا سک باز دلگوش کنگی اِنت۔ واٹر بورڈ جوڑ کنگی اِنت، گوستگیں سال ءَ پنجاپ ءَ سموگ ءَ گوں دیم پہ دیمی بوتگ، اے ھم موسمی مٹ ءُُ بدلی ءِ سبب انت۔ مئے نیک راھی دین ھم درچک کشکگ ءِ گوشیت، ساپ ءُُ سلئی ءِ گوشیت۔ موسم ءِ مٹ ءُُ بدلی ءَ چہ نمونگ نمونگ ءِ نادُراھی کینسر ، ھون ءِ کمک ءُُ گیشی، ھون ءِ پژار بندگ، موسم ءِ ساپ کنگ ءِ واستہ زوتاں زوت ایمرجنسی رنگ ءَ کاروائی کنگ کنگی ا،ں ت۔ آباتی ءَ بوجھ کم کنگی اِنت، اے ھیالانی درشانی آئی ءَ ہلال احمر پاکستان ءِ چیر دستی ءَ جرمن ریڈ کراس ءِ کمک ءَ سئے سالی منصوبگ ءِ بنگیجی مراگش ءَ گشتانک ءِ ساھت ءَ کت اَنت۔
