وزیر ءِ درئی کار ءَ کینیا ءِ صدر ءِ ھاسیں نماھندگ ءِ بستار ءَ مزن وزیر پاکستان ءَ را کینیا ءِ تر ءُُ تاب کنگ ءِ دعوت دات
اسلام آباد۔ 30اپریل (اے پی پی) کینیا ءِ وزیر ءِ درئی کار ڈاکٹر مونیکا جوما ءَ مزن وزیر شاہد خاقان عباسی ءَ را مزن وزیر کارگس ءَ آئی ءَ گوں گند ءُُ نند کت۔ آئی ءِ ھمبراہ پاکستان ءَ کینیا ءِ ہائی کمشنر ھم گون ات۔ کینیا ءِ وزیر ءِ درئی کار کینیا ءِ صدر ءِ ھایسں نماھندگ ءِ بستار ءَ پاکستان ءِ تر ءُُ تاب ءَ کنگ ءَ اِنت ایشانی مول ءُُ مراد مزن وزیر پاکستان ءَ را کینیا ءِ تر ءُُ تاب کنگ ءِ دعوت پُجارینت ءُُ دات۔ گند ءُُ نند ءِ ساھت ءَ مزن وزیر ءَ اے ماہ ءِ بندات ءَ برطانیہ ءَ دولت ءِ مشترکہ ءِ سروک حکومت ءِ دیوان ءِ موہ ءَ کینیا ءِ صدر ءِ گوما گند ءُُ نند ءِ ذکر کت۔ گند ءُُ نند ءِ ساھت ءَ دوئیں سروک آں دو نیمگی یکوئی ءُُ وت مہ وتی واھگی کاری آنی سر ءَ ھیال ریچی کت۔ دوئیں ملک آںی نیام ءَ استیں یکوئی ءِ سر ءَ دل یکیمی ءِ درشان کنان ءَ مزن وزیر شاہد خاقان عباسی ءَ کینیا ءِ گوما جتا جتائیں وت مہ وتی تجارت ءِ دیمروئی یے ضلورت ءِ سرءَ زور پر دات کنینیا ءِ درئی کارانی وزیر ڈاکٹر مونیکا جوما 2ءُُ 3مئی ءَ کراچی ءَ بوھوکیں کینیا پاکستان ٹریڈ وانویسٹمنٹ کانفرنس ءَ ھم بھر زوری کنت اِنت۔
