اسلام آباد۔ 29 اپریل (اے پی پی) بُنجاھی وزیر ءِ ھزانگ مفتاح اسماعیل ءَ گوشت کہ مالی سال2018۔19ءِ بجٹ ءَ چہ معیشت ءَ را 6 درسد ءَ گیش شاھیگانی، ٹیکس دیوک آناں آسراتی، کاروباری دیمروئی ءِ دلبڈی ءَ ھوار چاگرد ءِ پشت کپتگیں تبک ءِ مرد آناں مالی نپ ءُُ سیت رسیت ءُُ فاٹا ءِ پشت مندگیں دمگ آنی تہ ءَ جوڑیشتی کوکا ءَ را دیمروئی رسیت۔ آ یک شمبے ءِ روچ ءَ ادا انسٹی ٹیوٹ آف کاسٹ اینڈ مینجمنٹ اکاؤنٹس پاکستان ءِ چیر دستی ءَ راجی بجٹ سیمینار ءَ گوں گشتانک دیان اَت۔ آئی ءَ گوشت کہ اے بجٹ ءِ گوما منی واھشت اِنت کہ الس ءِ واستہ زندمان ءِ آسراتی پیداک بہ بیت ءُُ اقتصادی دیمروئی ءِ گام آنی تہءَ گیشی ءِ وسیلگ ءَ کاروباروبار ی پڑ گین ءُُ سارت بہ بیت۔ آئی ءَ گوشت کہ گوزوکیں مالی سال ھواریں ملکی پیداوار جی ڈی پی ءِ دیمروئی نمبگ 5.8درسد بوتگ وھدیکہ ایشی ءَ چہ پیسر اے نمبگ 5.4درسد بوتگ ءُُ مالی سال 2018۔19ءِ واستہ جی ڈی پی ءِ ھد ءُُ ابیل 6.5 درسد گیشنتگ بوتگ اَنت۔
