پاکستان ءَ ’’خیر سگالی‘‘ جوزگ ءِ رد ءَ سیم سر ءِ اے دیم آیوکیں بھارتی شہری آناں واتر روان دات

اسلام آباد۔ 29 اپریل (اے پی پی) پاکستان ءَ ’’خیر سگالی‘‘ جوزگ ءِ رد ءَ سیم سر ءِ اے دیم آیوکیں بھارتی شہری آناں واتر روان دات۔ آئی ایس پی آر ءِ رد ءَ 23سالی دلوندرسنگھ ءَ 6مارچ 2017ءَ قصور ءِ نزیگ ءَ سیم سر ءَ اے دیم اتکگ بوتگ، پنجاپ رینجرز ءَ واہگہ ءِ سر ءَ کانودی کار ءَ پد ایشرا بھارتی کارندہ آنی ھوالگ ءَ کت، دلواندرسنگھ ءَ را وطن واتر روان دیگ ءِ پد ءَ سیکیورٹی کارندہ آنی شگر گپت، آئی ءَ پاکستان ءِ نندگ ءِ ساھت ءَ جوانیں میزبانی کنگ ءِ پد ءَ شگر ءُُ منت گپت۔