کراچی۔ 28 اپریل (اے پی پی)مزن وزیر شاہد خاقان عباسی ءَ جندی شوبگ ءِ سرءَ زور پر دات کہ کراچی ءِ بزگریں الس آنی بنیاتی جان سلامتی آسراتی پُجارینگ ءِ واستہ دیم ءَ بیا اَنت ءُُ وتی کرد ءَ پیلو بکن اَنت، حکومت جان سلامتی ءِ شوبگ ءَ جدیدیں آسراتی پُجاری ءِ ھاترا ھمک رنگ ءِ کوشست کنگ ءَ اِنت بلے راستی ایش اِنت کہ سرکاری شوبگ ءِ رد ءَ گہتریں ازمت ءِ پُجاری کت کنت، دوئیں سرکاری ءُُ جندی شوبگ آناں لوٹ ایت کہ چاگرد ءِ بزگریں تبک ءِ جان سلامتی ءِ بنیاتی آسراتی ءِ پُجاری ءِ واستہ ھواریں کوشست بکن انت۔ اے ھیالانی درشانی مزن وزیر ءَ شمبے ءِ روچ ءَ دارالصحت ہسپتال ءِ ولید آڈیٹوریم ءَ برجا داشتگیں ڈیلائسز سنٹر ءِ بنگیجی مراگش ءَ گشتانک دیان ءَ کت۔ گورنر سندھ محمد زبیر ءُُ کراچی ءِ میئر وسیم اختر ءَ ھم اے مراگش ءَ بھر زوری کت۔
